【旅遊保險小知識】12大 旅遊保險常見問題

|Posted by | 保險知識, 全部文章, 品味生活, 旅遊保險
Tags: , , , , , , ,

旅遊保險 小知識 旅遊保險 常見問題

成日話去旅行要買旅遊保險,唔講唔知原來一份保單包含好多細則條款,例如:遇到恐襲點保障?高危活動又點包?老人家去旅行又有幾多保障?想claim保險又要準備咩文件? MoneyHero.com.hk 就同大家逐一拆解 12大 旅遊保險常見問題 ,再比較番,揀到啱,揀到切合你需要嘅保單!


1. 幾時先係買旅遊保險嘅好時機?

其實旅遊保險就是早買早享受,因為旅遊保險由購買一刻開始生效,如果出發前已購買,剛巧政府對旅遊目的地發出黑色外遊警示,而黑色外遊警示屬保障範圍,你便可以得到賠償。但如果你在外遊警示發出後才購買保險,保險公司則不會為此作出賠償。

又如航班遇到惡劣天氣而延誤,影響行程,如果你在任何天氣警告發出前已買旅遊保險,那麼你就會得到因天氣惡劣導致航班延誤的賠償。

延伸閱讀:【航班Delay】惡劣天氣航班延誤證明+Claim保險須知!


2. 可否出發後才買旅遊保險?

一般的旅遊保險都須於離境前投保方為有效,旅程的定義是指受保人從來香港出發開始直至受保人返回及重新進入香港境內為止。在這樣的情況下,如果大家離境後才購買旅遊保險,保險公司是不會承認或接納這樣的申請;若不幸遇上意外,亦不會獲得賠償。因此,大家應切忌臨急抱佛腳,購買機票確認出發和回程日期後就應盡早購買旅遊保險。


3. 旅遊保險的回程日期臨時有變,應該怎麼辦?

假若你因天氣或其他意外,需要延遲回程日期,額外的旅程日數豈不超出保障範圍?其實大多數旅遊保險計劃都會有旅程延長的保障,以STARR「卓悅遊」為例,若受保人的旅程在其控制範圍以外的情況下無可避免地延遲,保單可免費延長至最多7日。


4. 邊度買旅遊保險?

現在好多平台都買到旅遊保險,好似可以喺各大銀行的ATM、旅遊保險公司及經紀或旅行比較網站買都得,不過每份保單都各有優劣,你只需要在MoneyHero.com.hk 花3分鐘的時間,答5條同你旅程有關的題目,我哋就會提供不同級別嘅保單供你選擇,有8份更保障手提電話;仲可以即時出單,簡單快捷,保障範圍亦非常全面。

延伸閱讀:旅遊保險邊度買最好?比較買旅遊保途徑優劣


5. Claim保險注意事項

Claim保險前需預備相關證明文件,萬一文件未能及時得到,也可向保險公司後補資料。以下為大多數會Claim保險的情況:

  1. 遺失/盜竊 個人財物:必須在發現後24小時向公共機構或向當地警方報警,提取相關報告
  2. 航班延誤:航空公司延誤的證明 (必須是保單保障的延誤緣故,才會得到賠償)
  3. 受傷住院:醫療報告
  4. 手機損毀:立即拍照+向原廠維修中心提取維修保養單

注意事項:

索償時大家必須注意期限及索償的單據。保險公司的索償期限一般為21-31日內,必須預備相關的文件來申請索償。當然有時候,文件需更多時間索取,因此可先向保險公司申請索償,然後提出後補文件。

延伸閱讀:【Claim保險 】怎樣增加成功機會?6大旅遊保險索償須知!

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

經MoneyHero.com.hk購買指定旅遊保險可享7折優惠


6. 手機、手提電腦及平板電腦會保障嗎?

今時今日去旅行點會無手機喺身? 影相搵路都靠佢,不過就唔係份份旅遊保險都會保障手機的損毀及遺失,暫時MoneyHero.com.hk提供約13種不同級別的旅遊保險,其中8種提供手機保障,不過需要注意都會有上限賠償額。

另外,經常公幹的朋友都必定擔心保障手提電腦及平板電腦,其實市面上大部分保單都會保障到。要留意的是條款細則,某些旅遊保險未必同時保障這2個項目,只保障其中一項。如不幸地旅遊時以上三樣財物全損毀了,緊記先拍照紀錄,回港後必須向原廠維修中心提取維修保養單,提交這項證明給旅遊保險公司;如你是遺失或遭盜竊,則需在發現後24小時內於當地報警,提取報告證明自己遺失手機。

延伸閱讀:【旅遊保險手機保障】邊間賠償 手提電話、平板及手提電腦?


7. 自駕遊也要買旅遊保險?

有自駕遊經驗嘅朋友可能會話,喺租車公司嗰度會包埋保險喎,唔需要再買。但其實一般租車公司嘅保險都會有最低自負額,即係墊底費,如果不幸有意外要賠償,你都要承擔部分嘅金額。不過大部分的旅遊保險都會包埋「租車自負額」,咁咩係「租車自負額」呢? 我們以一個例子說明,你在外地駕車時,不小心撞毀了電燈柱,而電燈柱需賠償HK$10,000,首HK$5,000的自負額需由你承擔,餘下的HK$5,000則由在租車公司投靠的綜合汽車保險承擔。由於你在出發前已選購Starr「卓悅遊」尊貴計劃,其租車自負額保障的賠償上限為HK$5,000,因此需由你承擔的HK$5,000自負額就能獲Starr「卓悅遊」尊貴計劃賠償。換句話說,你變相完全無須承擔撞毀電燈柱的賠償。

*註:以上只為例子,最終決定權歸於保險公司。

相關閱讀:【 自駕遊 旅遊保險】比較7間旅遊保險租車保障


8. 天災會保障嗎?

去旅行遇上天災,真喺意料之外的事,加上近年天災頻繁,好似之前大阪地震、九洲水災、颱風襲日本等,其實旅遊保險都會保障,不過必須在天災發生前購買才會保障,特別需要留意幾個項目,「取消行程」、「縮短行程」及「行程延誤」。

舉個例,如你出發前,發現目的地已發生天災,無法繼續旅程,決定取消行程,必須取消早在香港預訂了的機票、酒店或行程等,只需集齊相關證明文件,保險公司便會賠償相關損失。而「縮短行程」方面,是你在目的地遇上天災,無法要繼續行程回港,而餘下旅程的損失亦會得到賠償,亦會包埋回程的機票,不過緊記航班的燃油費,就未必在保障範圍內。最後,「行程延誤」即是回程航班因天災而導致延誤,也會得到賠償。

延伸閱讀:旅遊遇天災/地震/海嘯/水災/火山爆發 旅遊保險點樣保? ( 附Claim保險大法)


9. 想玩高危活動,如果出事有冇得賠呢?

如果你參加職業性運動或比賽,一般旅遊保險都唔包,要留意旅遊保險「不保事項」嘅確實字眼,如果你參加嘅業餘運動係設有獎金嘅比賽,該活動都可能不在受保範圍之內;但都有些旅遊保如Allied WorldFWD嘅計劃保障業餘賽跑活動,咁去外地參加馬拉松活動都無問題喇!建議大家在出發前,可致電保險公司查詢高危活動的相關保障,確保自己參與的高危活動,在保障範圍內。另外,如果你係想參與一啲高危活動,例如下列活動:

  • 飛行活動
  • 賽車
  • 航空活動
  • 航海活動
  • 跳傘
  • 吊索跳
  • 30米或以上的深海潛水
  • 攀山
  • 攀岩
  • 5,000米以上的攀石或登山
  • 電單車活動
  • 狩獵
  • 徒手滑翔
  • 30米或以上的水肺潛水
  • 熱氣球
  • 策騎……等等

都有機會係不受保障範圍,如果你想喺旅行中參與運動,就要留意自己想做嘅運動係唔係保障範圍喇!

延伸閱讀:【滑雪、潛水買咩旅遊保險?】比較 高危活動 旅遊保險保障 (附Claim保險方法)


10. 長者冇得買旅遊保?

好多人以為老人家冇得買旅遊保,其實唔係,只不過部分旅遊保險有啲會有年齡上限,而即使冇超出年齡上限,長者保障金額都有機會比較低。長者選擇旅遊保險時,除咗要留意投保年齡上限外,仲應該著重「醫療費用」、「緊急醫療運送」、「住院按金」及「回港後的覆診治療費用」等最高賠償額。如前往醫療費用高昂的地區,例如歐洲、美加等地,就應選擇保額較高嘅計劃。

長者都應該留意,旅遊保險只保障在旅程期間受傷或患上疾病所引致嘅醫療費用,長者本身已有嘅疾病,如果係旅程期間復發,可能不受保障!

相關閱讀:長者購買 旅遊保回險 諸多限制?最緊要識揀!


11. 恐襲到底包唔包?

恐怖襲擊避無可避,不如買份包埋恐怖襲擊嘅旅遊保險,咁就放心去玩啦。有關恐襲要留意保險條款,就算保障恐襲,當中亦有不同的細則條款。由於恐怖襲擊目前尚未有一個國際公認嘅定義,所以保險公司會自行定義「恐襲」。一般而言,恐襲係指:「由個人或組織所籌劃,為達到政治、宗教、思想目的而進行的暴力行動,意圖製造恐慌以影響政府或公眾。」大多數情況下,保險公司會根據當地政府對襲擊嘅定性而決定事件是否恐襲。

在保單中,最重要留意以下的項目,包括「醫療保障」、「人身意外」、「取消行程」、「縮短行程」及「行程延誤」等項目。

相關閱讀:外遊遇恐襲 旅遊保險保唔保?


12. 外遊警示包唔包?

外遊警示由香港保安局發布,協助香港居民了解較多港人到訪的海外國家或地區時會面臨的人身安全危險,經風險評估後,考慮是否需要發出外遊警示的制度。警示分為3級,最低為黃色,提醒大家留意當地局勢,提高警惕注意安全。中級就喺紅色,代表有明顯威脅,如非必要不要前往;最嚴重就喺黑色,意指有嚴重威脅,不應前往。大部分的旅遊保險都會保障的,會按警示的程度作出賠償。另外部分旅遊保險會在黃、紅警示發出後購買仍會受保,這項目稱之為「升級警示」,旅保公司則會賠償,因警示升級而引致「取消行程」及「中止旅程」的損失。例如:STARR、Allied World,皆會有「升級警示」的保障。

延伸閱讀:黃色/紅色/黑色外遊警示邊份旅遊保險有得賠?(附外遊警示 國家名單+常見問題)


邊度買旅遊保險最抵?

保險公司 保險計劃 MoneyHero.com.hk優惠價 官網原價
Starr
「卓悅遊」
標準 HK$70 HK$100
非凡 HK$100.8 HK$144
尊貴 HK$147 HK$210
Allied World世聯
「優悠樂」
計劃 I HK$116.9 HK$167
計劃 II HK$170.8 HK$244
FWD富衛
「卓越」優遊樂
 計劃 B HK$140 HK$175
 計劃 A HK$200 HK$250
MSIG三井住友i-Travel Plus travel Plus C計劃 HK$132.08 HK$220.13
travel Plus B計劃 HK$178.91  HK$298.18
travel Plus A計劃 HK$236.54 HK$394.24
AIG 美亞
美亞飛翔旅遊保障計劃
全球黃金計劃 HK$252 HK$252
全球鉑金計劃 HK$290 HK$290
 *以6天日本行程為例
製表:MoneyHero.com.hk

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

立即選購

延伸閱讀:【旅遊保險大比拼】邊間保障 手機 、平板及手提電腦?

延伸閱讀:【 Claim保險 】怎樣增加成功機會?6大旅遊保險索償須知!

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page