【 大阪親子遊2019 】 復活節旅行活動推介 一文睇盡大阪景點、行程攻略及行李清單

|Posted by | 保險知識, 全部文章, 品味生活, 旅遊保險
Tags: , , , , , , , ,

【-大阪親子遊2019-】-復活節旅行活動推介-一文睇盡大阪景點、行程攻略及行李清單

3月何其漫長,一個公眾假期都無,仲要捱多20幾日先會有公眾假期,踏入4月大家就會守得雲開見月明,唔單止大人開心,小朋友都有假放,正正是親子遊的好時機。時下的家長都鐘意帶小朋友去旅行,令佢地可以增廣見聞,但唔係每個地方都咁「baby friendly」,但大阪向來都係親子遊的好地方,不但有完善的嬰兒設施,更有不同親子同樂景點。故此,MoneyHero.com.hk 即刻幫一班爸爸媽媽預備 大阪親子遊2019 ,一文睇盡各大景點、行程攻略及行李清單,等大家為復活節做足準備。

 

延伸閱讀:【 2019請假攻略 】復活節請4日放10日 新興景點逐個捉 短去越南 遠去布拉格

 

 

想知大阪親子遊有咩景點?即刻睇!按以下項目更快看到景點推介。

大阪親子旅遊景點:

知識玩樂/放電類動物同樂類文化體驗類


 

知識玩樂/放電好去處:

大阪兒童樂園 (Kids Plaza Osaka)

大阪兒童樂園-Kids-Plaza-Osaka
(網上圖片)

同小朋友去旅行,除咗想佢可以增廣見聞外,最好就係可以寓學習於娛樂。邊玩邊學到新的知識,咁樣就最好。而大阪兒童樂園,可以話係你既不二之選,因為從靜態到動態的設施都有,每層樓都有不同的主題,三樓有體感教室及其他工房;而4樓則有職業體驗區及大型遊具城堡,仲有5樓最多知識學習的科學實驗區、生物區,及認識世界各地文化的文化區。

幼嬰設備:

1/ 哺乳室:附近設有沖泡奶粉時使用的熱水器和廚房水槽。
2/ 洗手間:既有嬰兒座椅、換尿布台、無障礙洗手間及小孩淋浴室。
3/ 嬰兒車:免費嬰兒車出租,數量有限,限在館內使用。

基本資料:

收費:

  • 成人¥1,400
  • 兒童¥800
  • 幼兒(3歲以上)¥500
  • 65歲以上¥500

地址:大阪市北区扇町二丁目1番7号

開放時間:

  • 9:30am-5:00pm
  • 休息日:每月第2,第3個星期一休館,只有8月是第4個星期一休館

枚方公園

枚方公園

(網上圖片)

枚方公園係大阪規模最大的老舖遊園地,相比一些當地的遊樂園或主題樂園來說,更適合學齡前的小朋友,較少出現逼人的情況,亦少需要花時間去排隊,加上門票亦相對便宜。公園內有40多種遊樂設施,最緊要係人唔太多,地方又夠大,小朋友可以盡情放電,遊戲的設計較為合家歡,大人小朋友都可以樂而忘返。

基本資料:

收費:

  • 成人¥1,400起
  • 小學生¥800起
  • 2歲-學齡前兒童¥800起

地址:大阪府枚方市枚方公園町1-1

開放時間:

  • 10:00am-5:00pm

Big Bang 大阪府立大型兒童館

Big-Bang-大阪府立大型兒童館

(網上圖片)

兒童館以恐龍和太空為主題,設計了許多大型遊具及兒童劇場,小朋友可以爬進巨大的鱷魚模型探險,更可以在不同科普、教育及玩樂兼備的遊具暢遊。每個遊具都經過精心設計,不但有訓練小朋友腦力的遊戲,更有鍛鍊小朋友身手的設施,既可訓練小朋友的協調性,亦可自行探索新知識,定必樂趣無窮。

基本資料:

收費:

  • 成人¥1,000
  • 初中生¥800
  • 小學生¥800
  • 3歲或以上¥600
  • 3歲以下免費

地址:大阪府堺市南区茶山台1丁9番1号

開放時間:

  • 10:00am-7:00pm
  • 休息日:星期一

 


溫馨提示:旅遊保險

經MoneyHero.com.hk購買指定旅遊保險可享7折優惠

帶小朋友去旅行更需要有準備!買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

立即選購


旅遊保險比較:豐隆保險藍十字保險StarrAllied World信用卡免費旅遊保險


 

文化體驗

大阪生活今昔館

大阪今昔館

小朋友咁細個就去旅行,父母梗係想幫佢地留倩影,將來有機會睇返,留低美好的回憶。而大阪生活今昔館就可以滿足你既願望,在館內可換上日本傳統浴衣,更可在彷古的街道上參觀、拍照、體驗日本人過去的生活模式。試想像小朋友穿起浴衣的模樣,真係卡娃兒呢!

基本資料:

收費:

  • 普通¥600
  • 普通團體¥200 (20名以上)

地址:大阪市北區天神橋6-4-20 8樓

開放時間:

  • 10:00am-5:00pm
  • 休息日:星期二

 


大阪歷史博物館

大阪歷史博物館

(網上圖片)

去旅行都係想體驗當地的生活,必定要去博物館了。大阪歷史博物館的展品,跨越了日本從古至今的各個時代。場內更有一間考古研究所,可以在裡面認識考古作業的進行模式,但就比較適合年紀大一點的小朋友。

基本資料:

收費:

  • 成人¥600
  • 高中生和大學生¥400
  • 中學生以下免費

地址:阪市中央区大手前4−1−32

開放時間:

  • 9:30am-5:00pm
  • 休息日:星期二

 大阪萬博城 EXPOCITY

大阪萬博城-EXPOCITY

(網上圖片)

大阪萬博城是日本最大複合式購物商場,落腳在大阪萬博紀念公園旁。主要由LaLaport EXPOCITY 及8大娛樂設施構成,如:REDHORSE OSAKA WHEEL 、Orbi Osaka、NIFREL及Pokémon EXPO GYM 等。不單單只是座購物商場,亦結合幾座具教育意義的主題體驗館,小朋友可以邊玩耍邊學習,當小朋友玩完後,大人更可以在購物商場,盡情Shopping,大人小朋友也可盡興。

基本資料:

收費:進場免費

地址:大阪府吹田市千里萬博公園2-1

開放時間:

  • 10:00am-9:00pm


 

動物同樂

天王寺動物園

天王寺動物園

(網上圖片)

好多小朋友都鐘意親近動物,因為覺得大家可以互動;其實從小俾小朋友接觸小動物都係一件好事,一來可以培養佢地愛心,二來用大自然為教師,教識佢地同大自然和平共處,那麼天王寺動物園就是你嘅不二之選。園區內有好多動物可以觀賞,包括有無尾熊、北極熊及犀牛等動物,雖然地方唔算好大,逛一圈也是要好幾個小時,大人小朋友都可以慢慢同動物互動。

基本資料:

收費:

  • 成人¥500
  • 小學生及大學生¥200
  • 未就學兒童免費

地址:543-0063大阪市天王寺区茶臼山町1-108

開放時間:

  • 9:30am-5:00pm
  • 休息日:星期一


 

航空三大注意事項

同小朋友搭飛機是一門學問,一來擔心他們飛行中不舒適,二來怕小朋友哭鬧影響到別的乘客,所以好多父母帶孩子去旅行,都需要有更多準備,及預計所有可能會在飛機上發生的情況。從而想出相應的對策,以下是3個注意事項,讓家長們買機票前有所準備。

1/ 了解你孩子的性格

父母首先要了解小朋友的性情,有助減少在飛機上發生失控的情況。如果佢較為好動的話,就可以買定一啲玩具/圖書俾佢玩/ 睇,盡量令佢忙碌,在短短的機程,打發所有時間。然而最後發現小朋友都係比較難安靜,那麼就盡量不要選擇前往需要乘搭長途機的地方。

2/ 了解航空公司提供的服務

這點非常重要。如果大家帶2歲以下的小朋友搭飛機,通常都不佔位,可以早點向航空公司預訂嬰兒搖籃,但是通常只有在特殊位置才能架起吊籃,所以大家應該提早訂票,以免小朋友想睡時,你要整躺旅程抱着小孩。另外,如果你仍是餵哺母乳的媽媽,食物都有所限制,有啲航空公司會好貼心,預備特別餐給餵哺母乳的媽媽,好似國泰咁,都有得選擇母乳餐。

另外提提大家,由於上飛機只限帶100ML的液體,因此大家預備母乳時必須小心,又或者帶定泵奶器,在機上泵奶。如果真係無計可施,都可以點機上的嬰兒餐或向空中服務員尋求餵哺母乳的適當地方。

3/ 起飛降落必備奶咀

飛機起飛和降落時由於氣壓問題,大人耳仔都會出現脹痛或耳鳴的情況,好多時會食香口膠,舒緩不適感;小朋友都會遇到相同的情況,佢地又點可以食香口膠。那麼就要預備定奶咀了。因為吞嚥的動作有助舒緩耳內壓力,兩歲以上小孩可以為他們準備飲料、糖果,兩歲以下嬰兒可以給他們奶咀、牙膠等,便能解決這個問題。



 

親子遊行李清單

帶小朋友去旅行真係似全副武裝,一唔小心,隨時會執漏,甚至有好多地方,唔可以隨時買到小朋友的日用品,如果買到,又會驚小朋友唔啱用,搞到敏感又唔舒服。所以避免大家執漏野,今次整一張清單出來,跟住清單去執,大家都唔怕執漏啦!

BB行李清單

小朋友的行李真係一件都不能少,爸爸媽媽執完小朋友行李,都可能已經成頭煙。如果唔想忙中有亂。執漏自己行李,可以睇以下文章,跟着checklist執行李,包保無錯!

延伸閱讀:【旅行清單 】一文睇晒長短途旅行必備行李checklist!出國旅行打包大法!

 



 

申請證件注意事項

申請證件當然愈早愈好,因為一般旅遊證件都需要3星期才會批核完成,不過帶父母第一次帶小朋友去整證件,當然愈早安排愈好,有咩問題都可以出發前完成。

幫BB-填好表格

 注意事項:

1/ 帶BB 親身同場

因為初生嬰兒申請,入境事務處人員需要核實BB身份,同埋加上證件相有特定嘅要求,直接在場內拍證件相,就一定合規格。提提大家,一定要預先在上網登記,揀選最合適的日子到場辦理。

2/證件相要求

相信BB影證件相是難度較為高,如果領取特區護照的話,相片的背景應為白色,尺寸必須為40毫米(闊)乘50亳米(高),相片中人士由下顎至頭頂的尺寸應為32mm至36mm,頭頂上須保留適當空位。爸媽要留意的是抱B拍照時的姿勢,到時聽攝影師指示就影到靚靚嘅證件相二。

3/填好申請表格

申請證件就當然需要填表,申請表ID842是必須的,沒有身份證的兒童,則需填妥ROP3表格及提交相片,以便同時申請;至於擁有兒童身份證的,則須須填妥ROP 144表格以及提供相片一張。記得帶同嬰兒的出世紙正副本!

4/先餵飽BB

因為申請證件需時,BB都需要一齊等待,如果因為太餓而哭,隨時影響申請過程,更會影響其他申請人士,所以父母應先餵飽BB,或者帶玩具給小朋友,打發佢地的時間。

 


延伸閱讀:【旅遊唱錢攻略】比較14間找換店銀行兌換外幣匯率!(附地址及鏈結)

延伸閱讀:旅遊必備:全港最平 Wifi蛋 租借攻略


想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page