股票投資新手攻略:證券行初階

|Posted by | 全部文章, 銀行與金融
Tags: , , , , ,

股票投資新手攻略:證券行初階

先前一篇嘅股票投資新手攻略討論過,好多人股票投資(同手續費、存倉費、乜費物費)嘅第一次就俾咗某幾間細細個用到大嘅銀行。

揀「大銀行」,除左年紀輕唔知掟之外,好大嘅一個原因就係「貪穩陣」、「怕麻煩」。


要轉倉要開戶,轉去邊度好呢。精明醒目搵得到嚟MoneyHero.com.hk睇到呢篇文嘅你,都唔係豬得去邊,相信都好明白,銀行、 證券行 嘅大部份「免佣免乜免物」優惠,好大部份時間都唔係俾你同我呢啲得果雞碎咁多嘅小薯,而係Target俾多過我同你身家加埋多多聲嘅VIP睇嘅。

又要研究又上網睇又要問人咁,睇章程細則,上網搵啲搵唔到嘅表格、打去熱線問、落分行排隊、影印身份證、填表寄表,睇到都煩,何況去真係做?問著長輩?都唔排除有伏喎!長輩分分鐘係VIP大戶,乜都有得免,細姪你要就要俾雙倍喇!

於是「貪穩陣」啦,「大銀行」喎,點都唔會死嘅。

出名懶嘅肥叔叔當年都係咁,但係,當你發現「貪穩陣」、「怕麻煩」嘅代價越嚟越大、佣金同雜費越俾越多嘅時候,就要好好咁諗下,「麻煩」地去蝕少少時間好,定係個個月真金白銀去「為銀行管理層份花紅服務」好呢?

其實,好多時證券行除左佣金收費都會比銀行低之外,手續費同收費都同銀行好唔同,當然,好睇係邊一間銀行、你嘅資產市值、同投資策略(齋擺都當係策略㗎!)啦。新手唔去證券行開戶,當然離唔開「貪穩陣」、「怕麻煩」啦。

「穩唔穩陣」之謎

香港股票市場係設有(投資者賠償基金)嘅,賠償上限係15萬,不論係銀行定係證券行,只要佢本身有證監會或者交易所嘅有效牌照,萬一真係有衫長褲短,都有投資者賠償基金頂住,所以本金唔多嘅新手,唔駛超級擔心。

開戶前,除左證券行佣金收費必定留意之外,都不妨睇睇佢個係乜嘢牌。過往出過事嘅證券行,好多時都只係俗稱「艇仔」或者「駁腳經紀」嘅中介人,要靠用其他有牌(正確名稱係「香港交易所參與者」)嘅證券行代為交易。要查詢牌照資料嘅話,就可以去返 證監會嘅相關網頁度喇。

好多時,其實大家亦可以考慮善用轉倉方式,定期將「覺得好似無咁穩陣」戶口嘅貨,轉去「覺得好似穩陣啲」嘅戶口(例如大行、銀行)度求個安心。證券行或者銀行手續大致一樣,但係都有唔同做法、收費同所需時間,轉入多數都唔收費,轉出就唔同喇,由幾十至幾百不等,所以呢樣都要注意。計算清楚加上配搭得宜嘅話,年中其實可以通過呢種方式,慳到錢得嚟又「自覺穩陣」!

所有嘢最麻煩嘅,就係去搵資料,咁大個internet,你嚟到呢一篇文章度,即係你內心深處已經開始「脫麻煩」嘅第一步喇。

稅貸 2018

銀行/證券行 存倉/託管/戶口服務費 電子交易佣金 代收現金股息/股代息 電子轉倉轉出/提取費
耀才證券 免收 成交金額0.0668%;最低港幣50元 每次金額0.5%;最低$20 每隻每手$5;最高$300,最低$20
輝立證券 免收 成交金額0.25%;最低$100 +徵費 每次金額0.5%;最低$30、最高$2,500 每次$20
致富證券 免收 成交金額0.0675%;最低$55 +徵費 每次金額0.2%;最低$10 每隻每手$5;最高$400,最低$50
一通投資者 免收 佣金$0;交易費成交金額0.005%;最低$5,最高$200 每次$5 +徵費 每次$30 +徵費
寶盛證券 一年內無貨及無交易、及現金結餘少於$10,000者*,每年$200 成交金額0.18%;最低$88 +徵費 每次金額0.5%;最低$30 +徵費 每隻每手$8;最低$88
富途證券 免收 成交金額0.05%;最低$50 +徵費 每次金額0.5%;最低$30 +徵費 每次$2
盈透證券^ 每月最低交易佣金$78。交易量不足者須付差額作戶口月費 成交金額0.08%;最低$18 +徵費 免收 每次$400
鴻財網 免收 成交金額0.138%; 最低$88 + 徴費 每次金額0.5%; 最低$30 +徴費 每隻每手$5; 最高$500,最低$50
華盛證券 免收 成交金額0.03%; 最低$3 + 徴費 + 平台使用費每宗交易$15 每次金額0.5%; 最低$30 +徴費 每隻每手$10; 最高$500,最低$100

*賬戶持有非香港市場證券者必須支付戶口年費。

^盈透證券開戶時最低資產值為港幣$78,000或10,000美元等值。最低交易佣金為港幣$78或10美元。

精選券商

近年 ,市場上出現咗騰訊做大老闆嘅 富途證券 提供買賣港股服務。富途證券比較出名嘅係佢個叫《富途牛牛》嘅交易App,賣點是香港首家全網上開戶券商及低佣金,網上交易佣金低至成交額之0.03%,最低收費只是$3。

【新!】2018年12月31日前,注冊開戶可以直接獲得港股買賣一世免佣,並可可領取1股滙豐,首存資產$2萬可領取1股騰訊

立即申請
 

SHKdirect

光大新鴻基鴻財網設有特低網上股票佣金優惠計劃,交易越多,佣金越低。

【新!】2018年12月31日前成功於鴻財網開戶及於開戶後首1個月內完成至少一單交易,最高可獲HK$200超市禮券;首存資金HK$5萬,可享1年香港經濟日報訂閱計劃 (價值HK$398)。

立即申請

 

華盛資本

華盛資本係一間新嘅互聯網券商,佢嘅迎新優惠都唔錯,新客戶開戶首180日不收取平台費,不設存倉費、交易系統使用費及隱藏費用。

【新!】2018年12月31日前成功於華盛資本網上開戶,可直接享受港股買入賣出均無限免佣,兼送HK$100現金券,無入金門;另開戶免費送30日即時報價(買賣十檔),30日後賬戶保持HK$1萬資產或以上可繼續使用即時報價服務(價值HK$318/月),報價股數無上限檻。

立即申請

 

8s

此外,亞洲首隻免佣美股交易平台8 Securities 入場門檻及收費亦十分適合新手,值得考慮。呢間公司連日本證券巨頭野村都有份投資,而且不設最低收費,值得留意!

立即申請

銀行嘅收費可以參考上一篇新手入門

項目

解說

用戶名稱 必須。戶口持有人名字,轉出轉入戶口持有人名必須相同,否則係轉名,唔係轉倉,係另一樣嘢嚟
戶口編號 必須。轉出轉入雙方戶口編號
銀行/證券行名字 銀行/證券行全名,可以向轉出轉入機構查詢
中央結算CCASS編號 必須。格式係1個字母+5個數字,轉出轉入機構響中央結算系統嘅編號
交收聯絡人名字 可能是人名或者部門,需向轉出轉入機構查詢
交收聯絡人電話 非必須,但係部份銀行/證券行嘅轉倉表格上列為必填項目。可以向轉出轉入機構查詢
交收聯絡人電郵 非必須,但係部份銀行/證券行嘅轉倉表格上列為必填項目。可以向轉出轉入機構查詢

*大部份銀行同證券行都唔將轉倉表格放響網上俾人自由下載,你可能要打電話或者email去叫銀行同證券行嘅客服Email甚至Fax俾你,填完簽好名交返去、Fax返去或者貼郵票寄返去。部份大銀行甚至先進到一定要你個人親身行落去分行排隊同填表。

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page