【月供股票】2019各大銀行及證券行月供股票計劃佣金收費比較

|Posted by | 全部文章, 品味生活, 理財小貼士
Tags: , , , , , , , , , , ,

【月供股票】各大銀行及證券行月供股票計劃佣金收費比較

股票是香港人賺取投資回報的重要途徑,不過,一般股票買賣有一定資金門檻,而且何時入巿亦好考時機判斷,想節省時間又想跟隨大巿獲得回報? 月供股票 其實係極好的投資方式,不但可以平均成本、節省時間,甚至可以儲信用卡積分添!想知 月供股票 攻略?等MoneyHero.com.hk幫下你啦!由於各銀行及證券行的佣金及收費不定期調整,若大家發現佣金及收費已有不同,歡迎到本網 Facebook專頁提供資料。(2019年2月25日更新) 

快速查看熱門月供股票計劃詳情

中銀月供股票 | 匯豐月供股票 | 花旗月供股票 | 恒生月供股票 | 輝立月供股票

甚麼是月供股票?

要理解月供股票,先要理解股票一般是怎樣買賣。我們日常看到的股價,是每股的價錢,而我們一般買賣股票,是以一手為單位。以匯豐控股(0005)為例,一手股數為400,按匯豐於2019月2月21日的收市價HK$64.9,一手售價就是HK$25,960。一般而言,如果你想買匯豐,就要有HK$25,960加上手續費,才能買入。而然,一般平民百姓(特別是初投身社會的年青朋友)未必可以每個月拿出2萬多元購買一手匯豐。可能有人說儲蓄3、4個月,亦能買到一手,但若果在儲錢期間,匯豐的股價拾級以上,你便須支付更多,同時亦錯失了這段時間可以獲取的投資收益。

月供股票,可以幫你將現金盡快轉為股票投資,只要每月支付手續費,便能已既定金額購買,以股為單位買入股票,股價上升時每月購入的股數會減少;而股價下跌時每月購入的股數則會增加。不過,並不是每隻股票都能月供,各大銀行及證券行有各自的指定買入名單。費用方面,一般月供股票的手續費約HK$50至HK$100,另外可能有存倉費、出售股票附加費等,大家要留意個別銀行或證券行的收費。通常你月供的金額愈大,你的平均行政開支就愈低。


月供股票的好處

1. 平均成本

股票價格有升有跌,如果你在某時間點購入股票,而那時剛好是價格高位,那你就做不到低買高賣嘅效果了。當然,你捉得住歷史低位買入最好,但唔係每個人睇個位都咁準,用月供就可以平均購入成本,長遠嚟講減低風險。你成日想趁低買入,但又成日估錯市?定額月供股票就幫到你減低平均成本喇。個邏輯係點?當你每月都供一個金額,當價格下跌,你買入嘅股數自然多咗,長遠做到低價買入嘅效果!

2. 唔使睇市

時間是最大的成本,月供股票的話,你可以在戶口選好股票同金額就唔使再理,唔使時時睇下自己有冇買貴,有冇買平,可以將時間放喺更有意義嘅事上面。

3. 早日入市

好多時大家想投資股票嘅一大障礙,就係儲唔夠錢入市。但唔知點解,啲錢儲極都唔會夠喎。梗係啦,啲錢儲咗喺度又冇特別用途,好易就使咗喇。月供股票就幫到你解決呢個問題,每月低至HK$1,000都可以開始供股,你咪可以早買早享受,早啲得到投資嘅回報囉!

4. 購買優秀股

在各大銀行月供股票名單內的公司,大都是藍籌(即恆生指數成份股)或各類指數基金,或者唔會出現短時大升幾倍的情況出現,但卻會相對穩定可信,定期收息,相對緊貼大巿。如果你選擇月供價格同恆指掛勾的盈富基金(2800),你的投資回報就幾乎等於大巿,其實已經跑贏好多專業投資者了。

5. 信用卡儲分

係喎,月供股票都可以用信用卡儲分,市面上有啲銀行提供月供股票計劃,如果你用埋佢哋銀行嘅信用卡供款,就能賺埋信用卡積分。以中銀為例,連續供款時間愈長,兌換積分嘅比率仲會愈高添。當你供咗24個月以上,供款金額可以1:1比率換取信用卡簽賬積分。而現時中銀信用卡積分要換一張HK$100嘅現金券,需要25,000積分。儲儲埋埋,1年都有機會換幾張現金券啦!

想知多啲信用卡資訊?即入我哋嘅 比較平台


各大銀行及證券行月供股票佣金收費比較

銀行/證券行 一通投資者 匯豐 恒生 中銀
南洋商業
花旗香港 輝立証券 寶盛證券BOOM 寶盛證券BOOM(美股)
最低每月投資額 $500 $1,000 $1,000 $1,000 $1,000 $1,000 $1,000 USD150
遞增金額 $500 $5,00 $1,000 $500 $500 $500 $500(上限20,000) USD50 (上限USD3,000)
佣金 HK$5。最長投資期為12個月。佣金在首次申請時一次過收取 永久豁免經紀佣金,至另行通知(原為供款額之0.25%,最低HK$50) 最低HK$50,供款額之0.25% 最低HK$50,供款額之0.25%,可以中銀信用卡支付。2019年3月31日或之前開戶,首12個月手續費最高可減免HK$600 最低HK$50,供款額之0.25% 最低HK$50,供款額之0.25% $50 USD9.9
印花稅 Χ Ο Ο Ο Ο Ο Ο Ο
交易徵費 Χ  Ο Ο Ο Ο Ο Ο Ο
交易處理費 Χ Ο Ο Ο Ο Ο Ο Ο
除淨日過戶費 Χ Ο Ο Ο Χ Χ Χ Δ
代收股息費用 Χ Χ Ο Ο Χ Χ Χ Χ
存倉費/戶口年費 Δ Χ Ο Ο Χ Χ Ο Ο
交易執行日 每月5日 每月8日(指定日)扣數、三日後買貨 每月10日 每月10日 每月10日 每月第三個市場交易日 每月5日 每月5日
申請 / 更改 / 終止 交易執行日前一工作天 一個月前 一個月前 交易執行日前3個工作天  每月9日前更改,次月生效 交易執行日前1個工作天   交易執行日前3個工作天 交易執行日前3個工作天
注意事項 更改 / 終止計劃需使用支援Flash的電腦版網站 可以一個供款額投資多隻股票  – 更改 / 終止計劃需使用傳真方式 更改 / 終止計劃需使用傳真方式
Ο 免收或已包含在費用內 /  Χ 需額外徵收 /  Δ不設
製表:MoneyHero.com.hk

信用卡月供股票:中銀香港

既然驟眼睇間間都差唔多,咁點玩先抵呢?

第一個諗法,當然就係有無得用信用卡碌月供股票喇!相信睇過前文都知,中銀香港 同身為中銀成員嘅 南洋商業銀行 都可以容許客戶用中銀系嘅信用卡碌月供股票。其實,以前匯豐HSBC、恒生都可以俾客用自己信用卡去供,但就已經無得咁玩好耐喇。至於中銀嘅玩法,雖然積分嘅計算唔會計足,同埋會視乎投資期去放寬積分比率,但係都依然比其他銀行同大部份機構只係能夠用現金戶口嘅資金嚟做月供股票抵玩少少。

另外,幾年前被日資收購嘅證券行 寶盛證券(Boom),除左劃一每隻指定港股HK$50嘅月供計劃外,亦有月供美股呢個玩法。每月最少150蚊美金,即係大約HK$1,200,就可以供到佢提供嘅40隻美股,佣金收費係每隻股票每月美金10蚊。

$5佣金全城至抵:一通投資者

其實市面上真係有超級抵玩嘅月供股票玩法,呢間月供股票嘅提供者,就係開業時已經以網上折扣經紀作為定位嘅本地經紀行── 一通投資者 (I-Access)。雖然個一通網站望落去一啲都唔顯眼,但其實佢嘅網上操作功能一啲都唔弱,有啲位甚至不下於大銀行同其他有提供網上平台操作嘅證券行。

重點係,佢嘅收費係咁多間最平嘅!

一通嘅月供計劃佣金係每個月每隻股票劃一收HK$5,最低消費只係HK$500,未有寫明上限。佢同其他銀行、證券行唔同嘅係,果HK$5係除左佣之外,其他雜費稅項徵費一率唔包,即係每個月購物時都依然會扣一小筆按比例收嘅費用,最平應該係兩三蚊。同時,一通最多只係俾你一次過落月供一年嘅單,如果係月頭交易執行日之前,咁計埋今個月最多都係13個月, 而果每個月HK$5嘅佣金就係響你落指令果個時期嘅單時一次過預繳,你預每個月最多俾HK$500供12個月嘅股票A,就先俾左HK$5 × 12 = HK$60 嘅佣金,到交易執行日時就真係扣足你HK$500嚟買嘢,印花稅雜費徵費另外收,所以無論供得多少,相對上都係抵嘅。

至於月供買咗返嚟之後,佢就當係碎股一樣同一手手嘅正價股一齊存倉,除淨果時同收息果時亦都會收返結算費、代理人費用咁。亦因為無分開存倉,你亦可以將月供返嚟嘅貨當係碎股買賣,因為一通可以月供嘅股票正正就同佢碎股版一樣,所以放咗佢套現、或者見到價啱買多啲湊夠一手都無大難度。除咗價錢之外,碎股版呢一點,就係一通同其他大部份有月供計劃嘅銀行同證券行之分別。

但係要注意,一通只係容許客戶響電腦網頁版(必須要電腦、要行Flash同要網絡防火牆無擋到某啲port)上面修改月供期數、金額、目標數量或者取消成個月供計劃,手機版網頁未有呢一個功能(但係有碎股交易)。而之前俾咗錢嘅月供佣金,係唔會響提早取消計劃或者縮短投資月數去退返俾你──包括錯手「取消」!因為一通個介面設計會令人好大機會會撳錯!流程上亦唔會問你係咪真係取消,所以大家操作時就要非常小心喇


月供股票 FAQ

一手碎股點樣計?

手頭上股票 唔係一手手,買家往往會擔心售出價格會有折讓。事實上,許多月供股票投資計劃,碎股沽出價格都會低於正股價,不過部分銀行如中銀香港同永隆銀行就可以正價出售碎股。

月供股票有什麼選擇?

月供股票係唔係所有股票都買得?當然唔係啦。一般有此服務嘅銀行同證券行,都會有個範圍嘅股票給予客戶選來月供股票,當中大多是藍籌,亦有不少ETF。

市面上都有好幾間本地證券行有offer月供股票服務。最少供幾多、每個月收幾多手續費,每間行都係大同小異。當中,手續費已經包括佣金、稅、徵費所有銀行代理人同存倉費用。大部份月供計劃每隻最少HK$1,000蚊落錶,收0.2至0.25%嘅手續費,最低消費一般都要收HK$50,即係每個月用最低消費玩嘅話,真係用嚟買股嘅錢就只有HK$950。


精選券商

華盛資本

🎁迎新優惠
港股買入賣出無限免佣:2019年5月31日前成功線上開戶
30日免費買賣十檔即時報價:2019年5月31日前成功線上開戶
💰MoneyHero.com.hk 獨家優惠
價值約HK$500「新浪 (NASDAQ交易所股票代號:SINA)」一股:2019年5月31日前成功註冊完成線上開戶,並存入資金10萬港幣

立即申請

光大新鴻基鴻財網

SHKdirect

光大新鴻基鴻財網設有特低網上股票佣金優惠計劃,交易越多,佣金越低。

🎁迎新優惠
HK$50超市禮券:2019年5月31日前新客戶填妥及遞交網上開戶表格,並上載證明文件
再送HK$250超市禮券:2019年5月31日前成功申請及於開戶後一個月內完成至少一單交易
首3個月買入港股HK$0佣金優惠,回贈上限為HK$6,000:2019年6月30日前成功開戶
💰MoneyHero.com.hk 獨家優惠
HK$300超市禮券:2019年5月31日前成功開戶及存入資金

立即申請

8 Securities

8s

亞洲首隻免佣美股交易平台8 Securities 入場門檻及收費亦十分適合新手,值得考慮。呢間公司連日本證券巨頭野村都有份投資,而且不設最低收費,值得留意!

🎁迎新優惠
1股Uber(上市後):2019年5月31日前成功開戶並存款

立即申請

富途證券

由騰訊做大老闆嘅富途證券,比較出名嘅係佢個叫《富途牛牛》嘅交易App,賣點係香港首家全網上開戶券商及低佣金,網上交易佣金低至成交額之0.03%,最低收費只是$3。

🎁迎新優惠
滙豐及騰訊股票各1股:2019年5月31日前註冊及開戶
💰MoneyHero.com.hk 獨家優惠
小米手環2:2019年5月31日前成功開戶
一世免佣:2019年6月30日前成功開戶

立即申請

中銀香港

🎁迎新優惠
首6個月無上限買入港股、中國A股及美股$0佣金:2019年6月30日前開立新證券賬戶
特優證券孖展年利率低至4.125%:2019年6月30日前開立新證券孖展賬戶
立即申請

雲鋒金融「有魚股票」

🎁迎新優惠
免收平台使用費及年費/月費,不設最低結餘要求:2019年5月31日前成功開戶

立即申請
 

延伸閱讀:【IPO攻略】新手 抽新股 如何借盡孖展增加中籤率?

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page