【股息計算教學】教你點揀藍籌股收息 股票投資食息一族必讀

|Posted by | 全部文章, 理財小貼士, 私人貸款
Tags: , , , , , , , , , , , , ,

【股息計算教學】教你點揀藍籌股收息

港股投資氣氛好轉,恒生指數由低位顯著反彈,交投亦轉旺。不少朋友都問:「是否牛市重臨?揀咩股票好?」部分穩陣食息一族可能會考慮藍籌收息股,貪其「進可攻、退可守」,甚至有機會「財息兼收」,賺價又賺息。但是邊隻最高息?高息股應該點揀?點樣可以賺盡股息?就等MoneyHero.com.hk同你逐一講解。

邊隻藍籌股最高息?

所謂股息(dividend),即是公司將每年/季賺到的利潤派返畀股東的金額,所以只要你是股東,無論是大手持有的大股東,還是只是持有一股的小股東,公司有息派的話,就會向你發放指定股息。先介紹以下幾個與股息相關的定義。

派息金額 Cash dividend

派息金額,顧名思義就係每股派幾多錢作為股息。如果是本地公司,通常以港幣結算,派息會用港幣(好多時會是每股幾多仙)做單位。但係如果是內地企業用人民幣結算,派息時就會用人民幣,可能會存入你的人民幣戶口。

派息比率 Dividend payout ratio

每股派息金額/每股盈利 × 100%

這個數字即是公司每賺一元,會派當中的百分之幾為股息來回饋股東。不同企業有不同的派息政策,管理層可能因應經營環境、發展藍圖預留資金而釐定派息政策,亦可能與管治質素有關,派息多少未必直接與公司狀況有直接關係。

股息率 Dividend yield

過去12個月每股派息金額/股價 × 100%

股息率亦稱為周息率、收益率,對投資者來說,比起派息比率可能更加有參考價值,因為這代表你每用一元買這間公司股票時,你可以收到的股息金額,這亦是不少鍾意收息股投資者,考慮一隻股份是否抵買的指標之一。

部分藍籌股股息率

股份 收市價 股息率 入場費
電能實業(0006) 54.50元 29.91% 27,250元
中石化(0386) 6.78元 8.84% 13,560元
港鐵公司(0066) 45.10元 7.36% 22,550元
滙豐控股(0005) 64.15元 6.23% 25,660元
建設銀行(0939) 6.98元 5.00% 6,980元
工商銀行(1398) 6.04元 4.78% 6,040元
中電控股(0002) 93.00元 3.25% 46,500元
領展房產基金(0823) 88.75元 2.81% 44,375元
中華煤氣(0003) 18.18元 1.75% 18,180元
騰訊(0700) 335.8元 0.26% 33,580元
備註:截至2019年2月28日收市價計算
製表:MoneyHero.com.hk

上表列出部分精選藍籌股,由此可見,藍籌股之間股息率相距甚遠。如果要你挑選,你會揀邊隻?是否股息率最高的股份就最抵買?


點揀高息藍籌股?

這個時候,你就要搞清楚這隻股份派高息的原因。

原因一:派發特別息

上市公司除了可以每季、半年或全年派發股息之外,亦可以派發「特別息」。但是叫得「特別息 」即是不是年年都有,而股息率這個數字是根據過去12個月每股派息金額而定,當中包括埋特別息,而這個特別息未來一年未必再派,即係你而家先買入未必受惠,所以大家都要特別注意!

好似電能實業(0006),上表顯示其股息率冠絕其他藍籌股,原因之一就是去年合共派發每股13.5元特別息,而這筆錢就是來自早前分拆港燈(2638)套現的資金。

原因二:股價低殘

股息率是派息金額除以股價,所以如果作為分母的股價低殘,亦是推高股息率的原因。有些公司前景不佳,投資者沒有信心,導致股價低殘,即使股息率高企亦未有引起投資者吸納,因為投資者可能擔心公司明年未必再派息,又或者股價或會繼續尋底,最終賺息都難以彌補股價下跌的損失。

例如中石化(0386)股息率不錯,但因為早前炒輸期油事件,令市場對公司失去信心。這些股份是否值搏就要自行衡量了。

原因三:穩定派息政策

有部分股份以穩定派息政策為賣點,例如銀行股、房地產信託基金(REITs)或者公用股等。

例如滙豐控股(0005)自2015年以來,已經連續4年維持全年派息0.51美仙這個水平,所以受不少食息一族長期追捧。目前如果經MoneyHero.com.hk開立富途證券戶口,除了可以一世免佣,還會送贈滙控和騰訊(0700)各一股,另外仲送總值200元的超市現金券。

如果驚滙控派息有變數的話,可以考慮規定要將最少90%賺到的錢用作派息旳REITs,在藍籌中就有領展(0823)作為選擇。

如果對後市無信心,驚股價已經在歷史高位的領展抗跌力不足的話,可能你會選擇公用股,始終收入相對穩定,是不少投資者避險之選,例如中電(0002),如果是煤氣(0003)的話,更可以睇實即將公布的業績會否一如既往,除了派息之外,還會10股送1股。


點樣賺盡股息?

睇完上文分析之後,你可能已經心中有數,打算買入邊隻藍籌股來收息。但是如果想收息賺到最盡,就要留意埋以下幾個注意事項,務求令到你的利潤最大化。

除淨日、截止過戶日、派送日

首先係除淨日(ex-dividend date),即係上市公司正式按股東名單上面嘅名同持股量,去計算究竟要派幾多錢畀邊個嘅日子。如果除淨日係4月1日,咁你就要係4月1日持有呢隻股份先有息收,亦即係你最遲要在3月31日買入,否則就無份收息㗎喇!而到咗除淨日,你所買的股票價值就會減去股息的價值,所以你會見到股價少咗。

而一般截止過戶日,就是除淨日兩天之後,因為香港股巿行「T+2」交收制度,不過一般小股東,其實留意返除淨日就OK。

至於派送日,即係股息正式過戶畀你的日子,要留意的是股息不一定係現金,亦有可能以其他方式派發,有咩方法?即刻睇埋下文。

以股代息 Stock dividend

有時,部分公司會用「以股代息」的方式,派貨唔派錢,在公布派息時,有呢種選項的企業會同時訂一個「以股代息」股價,咁當派息時,股東可以係唔使畀經紀費、印花稅同其他交易成本嘅情況下,用派出嚟嘅錢即時換做股票,餘數就拎返現金。

手續費

對新手、小股東來說,派息的手續費先係魔鬼!

費用多少視乎係銀行或者係證券行喇。如果係普通買賣正股、碎股嘅話,收股息嘅手續費可以由唔使錢、定額、到最常見嘅百分比加最低消費都有。手續費資料可以參考呢兩篇文章: 銀行戶口收費證券行戶口收費通常如果派息派出嚟嘅錢少過證券行或者銀行嘅最低消費時,筆錢咁會就一次過畀佢哋扣晒,唯一好彩嘅,係唔使補返個手續費差額畀埋佢哋。

另外,有啲證券行同銀行會在除淨日,額外收返結算費,盛惠港幣$1.5,不過呢個半就唔係間間都會收。所以記得先比較清楚,先揀用邊間銀行或者證券行來買入高息股收息呀!

派息次數 Dividend frequency

香港除咗極少數大銀行股可以做到一年四季每季有息派之外,大部份有派息嘅上市公司都會一年兩次或者一年一次。對小股民來說,派息次數多寡最會影響到嘅就係手續費喇!因為派息派多次,手續費就畀人收多次。仲要留意埋你買入嗰陣同派息時間相差幾遠,即係要等幾耐先有息收。想收息為主嘅小投資者就要計清楚喇!

總結

睇完上文之後,相信大家對買藍籌收息股都有更深入的認識,可能你已經準備好入市等收息。但都可能有部分投資者覺得,買得一手賺唔得幾多,但又無咁多閒錢買多幾手。事關呢類藍籌股一手都唔平,閒閒地幾萬元,有部分較進取的投資者可能會考慮以財務槓桿,例如透過借貸入市,賺盡息差。

最近渣打銀行「分期貸款」就有新優惠,優先理財客戶借70萬或以上,實際年利率(APR)低至2.96%,貼近早前的稅貸稅率。如果用來投資股息率高於3厘或以上的股票,就可以賺取息差。由即日起經MoneyHero.com.hk借取10萬或以上,更額外送$1,100超市現金券!

不過大家謹記投資永遠涉及風險,派息金額會升會跌,即使派息不變,股票價格亦會波動,所以要衡量下收息之餘,股票價格的走向,加埋起來才是投資的總回報。所以投資前點都要做少少功課,同埋管理好風險呀!


精選券商

近年 ,市場上出現咗騰訊做大老闆嘅 富途證券 提供買賣港股服務。富途證券比較出名嘅係佢個叫《富途牛牛》嘅交易App,賣點是香港首家全網上開戶券商及低佣金,網上交易佣金低至成交額之0.03%,最低收費只是$3。即日起至2019年6月30日前成功開戶,即享一世免佣!

【新!】即日起至2019年3月31日,開戶存入HK$2萬或以上,並於2019年3月29日保持HK$2萬或以上資產,即享:

  • 1股滙豐加1股騰訊
  • HK$100超市現金券
  • 經MoneyHero.com.hk開戶再送多HK$100超市現金券

立即申請
 

SHKdirect

光大新鴻基鴻財網設有特低網上股票佣金優惠計劃,交易越多,佣金越低。

立即申請

 

華盛資本

華盛資本係一間新嘅互聯網券商,佢嘅迎新優惠都唔錯。即日起至2019年4月1日:

  • 成功線上開戶,可享港股買入賣出無限免佣
  • 首存資金/ 首次轉入股票價值:HK$5萬或以上,即送HK$300超市禮券;HK$50萬或以上,即送HK$1,000超市禮券;HK$100萬或以上,即送HK3,000超市禮券
  • 【新!】經MoneyHero.com.hk線上開戶並存款,額外多送HK$100超市禮券

立即申請

 

8s

亞洲首隻免佣美股交易平台8 Securities 入場門檻及收費亦十分適合新手,值得考慮。呢間公司連日本證券巨頭野村都有份投資,而且不設最低收費,值得留意!即日起至2019年3月31日,新客成功開戶及存款,即送可口可樂一股。

立即申請