Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

【投資心法】10大 投資 誤區(上)

MoneyHero

MoneyHero

最後更新於 26 November, 2015

坊間有不少 投資 貼士,教大家如何小心投資。然而,許多投資者依然會行差踏錯,犯下一些大小錯誤,影響自己的 投資 表現,甚至損失慘重。現筆者根據一些 投資 經驗,歸納出「10大投資誤區」,希望能夠幫到大家留意同避開一啲投資誤區。因為篇幅所限,分為上、中、下3篇刊出。

1)投資者的集郵喜好

有一日朋友問我:「喂喂,中交建點睇,前景如何?」我答:「1800中交建,基建股毛利率低,好難搵到大錢!」佢話:「你講咩話?我話內銀股中國銀行、交通銀行、建設銀行喎……咪中交建囉!」

我:「原來係內銀股,其實唔使花咁多心機喺同一個板塊度,幾隻內銀股都係一齊升、一齊跌。真係要揀就揀隻最高股息率啦……」佢:「我買晒3隻啦,工商銀行好似派息幾好喎,買埋佢好唔好?」我:「如果你同陳冠A一樣,有鋪集郵癮咪買埋佢囉,仲有光大銀行、招商銀行、哈爾濱銀行……」佢:「……」

好多時投資者都有鋪集郵癮,花太多資金喺同一類型板塊度,若果個板塊表現不濟,投資組合就會長期跑輸人哋。如果一定要投資內銀股口嘅話,買四大國有銀行其中一隻就得啦!」(本故事純屬虛構,如有雷同實屬巧合。)

2)分散投資的誤解

投資教科書通常會教你要分散投資,分散投資即是將一筆資金分散投入不同的行業、企業、市場等等,以避開投資風險,追求投資收益最大化。但發覺好多朋友都俾呢啲教科書或理論誤導咗,以為買很多不同行業、市場嘅股票就已經成功分散咗投資風險。

記得2008年金融海嘯前, 窮小子喺$6.8買咗2,000股工商銀行同喺$30買咗500股港鐵公司,我當時以為港鐵係抗跌能力好啲,但2008年時港鐵最低位竟跌至$13,工商銀行乜表現就更加唔使講,可見就算你投資組合持有10隻都係不同行業嘅股票,或者持有10隻不同市場的股票,係股災發生後個結果都係一樣:10隻股票皆會下跌,因整個市場的系統性風險(Systematic Risk) 是不能被分散的,咁何來分散投資、規避風險?

窮小子認為真正的分散投資,是要投資兩種不同類型的投資工具(而不是投資N種股票),才能於經濟出現下行時,取得分散風險的成效!以下是一些例子(只供參考):

錯誤的分散投資組合:

組合1:股票A + 股票B …… + 股票N

建議分散投資組合(只供參考概念)

組合2:股票A + 黃金

組合3:股票A + ibond

組合4:股票A + 勞力士

即刻比較私人貸款 >> https://www.moneyhero.com.hk/zh/personal-loan/personal-instalment

3)簡單複雜化的投資

回想窮小子最初接觸投資時,發覺投資界係十足十武俠小說入面咁分開幾大幫派,如少林派、武當派、古墓派等等。投資界就主要分3大門派:價值投資派、圖表派及技術性分析派。聽個名好似好把炮,而投資工具就五花百門,如股票、期權、牛熊證、債劵及期貨等等,但接觸投資耐咗之後,發覺世界複雜,所以投資理念及工具其實愈簡單愈好。

港股大時代一役後,見到幾位同事心急想追番晒之前嘅既投資損失,由投資股票到投機衍生工具,食飯時間佢哋都會出現類似對話:

同事A:「喂喂,今日又賺幾多格?」同事B:「今日早市入左牛,見唔對路,輸兩格走咗,之後睇住個1分鐘恆指走勢圖,估計後市都係跌多啦,所以反手買番熊……」同事A:「午市收市前,恆指跌多咗喎,咁咪賺好多啦?」同事C:「我都$0.3幾入咗隻近熊啊,幾驚隻熊入刑場,啱啱睇隻熊Bear Bear升到$0.6,差唔多1倍升幅啦!」同事A:「今餐你哋請啦,哈哈哈哈!」(本故事純屬虛構,如有雷同實屬巧合。)

喺佢哋傾得如火如荼嗰陣,窮小子當然唔會潑佢哋冷水啦!但係筆者仍然堅守不接觸衍生工具及簡單化投資的原則。因衍生工具贏輸極需要運氣成份,如同賭場賭大細,無論係1分鐘定1年的恆指走勢圖,兩者根本都沒有預測下一秒恆指升跌的能力。人性是貪婪,大部份人都想追求短期回報,衍生工具是由市場的貪婪衍生出來的,但窮小子認為短期回報是不能持續性得到的,要得到持續性的回報率,要投資一些會和股東分享盈利成果的增長型公司,經典例子可參考巴菲特於1988年時開始投資的可口可樂公司。

投資世界複雜,盡量將投資方法簡化,創造穩定股息現金流才是持續性的回報。以此大前提下,窮小子考慮是否投資一間公司會睇以下幾點:

(1)股息率 = 每股派息 / 市價,及公司派息記錄。(2)市值與年盈利。(3)股本回報率(ROE)。(4)公司負債比率。(5)公司業務與管理層理念。

Text by: 窮小子(https://www.facebook.com/poorguyfans.hk

——

延伸閱讀:給子女最好的:建立 教育基金 的6大要點

延伸閱讀:零成本 投資 心法1.0

延伸閱讀:證券行、銀行大鬥法:搵邊間炒 股票 至著數?

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page