天然美容方法DIY! 9款輕鬆簡單既自家製美容產品大公開!

MoneyHero

MoneyHero

最後更新於 28 October, 2014

HK Try These 9 Homemade Beauty Recipes

市面上咁多護膚品,有時真係唔知要邊隻好,又要擔心護膚品有太多添加劑防腐劑,要搵岩一隻護膚品真係唔容易!既然係咁,各位姊妹點解唔試下係屋企自制護膚品呢?今日MoneyHero為大家提供左9 款自家製美容產品,等大家可以靚得天然又健康!

 

  • 蜂蜜檸檬面膜

 

Screen Shot 2014-10-28 at 16.41.47

蜂蜜有咩好處呢?首先,當然係佢既方便啦。蜂蜜超易儲存,基本上佢係唔會變壞既,係天然既防腐劑。第二,佢真係好平。你隨便去超市幾十蚊都可以買到一大罐,貴牌子除外啦。蜂蜜同檸檬一齊用係一個天然既美容方法,你只需cut 開一半檸檬,直接放一匙蜜糖落其中一面檸檬度,再隨意捽上面就ok 架啦!攤5 分鐘就可以沖水lu. 呢個mask 有咩用呢?蜜糖有殺菌功能,而檸檬有磨砂同美白功能。

 

  • 蛋白蜂蜜面膜

    Screen Shot 2014-10-28 at 16.41.53

 

想輕鬆簡便咁緊緻你既肌膚?試下用一隻雞蛋既蛋白加一匙蜂蜜溝埋一齊敷面啦!攤15分鐘再用暖水毛巾清走佢就可以令肌膚又滑又緊緻啦!

 

  • 蜂蜜潤膚霜

 

Screen Shot 2014-10-28 at 16.42.00

秋天一黎,成個人都好似乾曬咁無曬水分,連肌膚都開始乾到無曬彈性?快d 用蜂蜜lotion補救啦!用一匙橄欖油加一匙檸檬加半個檸檬汁就得架啦。將lotion敷係乾燥既地方,敷20分鐘再用暖水洗走就得架啦!千奇唔好用太熱既水呀!

 

  • 燕麥香蕉面膜

     

 

Screen Shot 2014-10-28 at 16.42.12

燕麥同香蕉唔單止係好有益既食物,都可以用黎整一個超級潤既mask 架!佢地仲要好平添。。。咁呢個mask 點整呢?你只需要將3分一條香蕉+兩茶匙燕麥+一茶匙豆奶blend 埋一齊,再敷上面10分鐘就得架啦!呢個mask 保濕潤膚一流。

 

  • 燕麥乳酪面膜

 

Screen Shot 2014-10-28 at 16.42.19

再黎一個燕麥mask。呢個燕麥mask 用既係燕麥同乳酪。你只需係食燕麥溝乳酪之前挖兩茶匙出黎敷面就得。記得用原味乳酪先得呀!有得食又有得敷,真係由外靚到內呀!

 

  • 梳打粉牙膏

 

Screen Shot 2014-10-28 at 16.42.27

想要更潔白既牙齒?除左洗牙之外你都有另一個選擇。你只需用半茶匙梳打粉溝少少水,再好似牙膏咁刷牙就得。呢個方法可以去除牙漬,包括茶漬、咖啡漬同煙漬。

 

  • 咖啡渣磨砂

 

Screen Shot 2014-10-28 at 16.42.35

沖完咖啡d 渣唔知點做好?咖啡渣隨左可以用黎放雪櫃吸味之外,都可以用黎磨砂用。你只需將咖啡渣放落一個碗度,然後用浴球輕輕磨均全身。磨完就咁沖水就得架啦,大家不用加番硯。咁樣咖啡d 油就會留番係你身體上面,等你可以滋潤肌膚。不過記得要放個隔網仔係去水位呀,唔係d 渣就會塞左渠架啦!

 

  • 白醋浸腳

 

Screen Shot 2014-10-28 at 16.42.42

平日當你企足全日好辛苦,你會唔會係夜晚用熱水浸腳?用熱水浸腳既秘訣係加一杯白醋,咁樣你既雙腳會放鬆得特別快!

 

  • 綠茶蒸面

    Screen Shot 2014-10-28 at 16.42.49

 

如果你平時鍾意飲茶,不妨試下呢個綠茶蒸面面膜!你只需要係沖完熱綠茶時趁茶未凍,用蒸氣蒸面就可以了。

其實美容有好多方法,唔一定要俾好多錢買護膚品同做facial 既!自家製美容產品健康又有益,大家都快d 試下啦!(小編覺得唯一難度係要忍口唔好食曬d 野落肚,因為好多個mask都好似好好食。。。)