秋風起,教你平食 大閘蟹 !

|Posted by | 信用卡, 信用卡優惠, 全部文章, 品味生活
Tags: , , ,

大閘蟹

見到各個社交平台食蟹相洗版,又係一年一度食 大閘蟹 的好時機。你今年食咗未呢?未食,又知唔知買番屋企食定出去食好?等 MoneyHero.com.hk 話你知邊種方式最啱你啦!如果 大閘蟹 唔啱你,唔緊要,你仲有其他選擇,它們就是花蟹、醬油蟹和長腳蟹!等小編話你知有乜平靚正之選,等大家食好嘢之餘又可以慳番筆。

自家製大閘蟹

如果嫌出街食貴的話,不妨試下買番屋企自己煮,除咗清蒸之外,亦可以跟隨你的口味,試下不同的煮法添!自己整冇味精之餘,仲可以慢慢食添。咁到底去邊度買嚟食好呢?(*以下資料只供參考,存貨數量及價錢請向店舖職員查詢。)

肥仔號:大量買享批發價

肥仔-e1446428840825

雖然而家旺季開鑼咗一段時間,少咗團購網搞優惠,但有啲舖都有搞緊大量購買有優惠,仲分分鐘有批發價添!開業30年的老字號「肥仔號」就推出兩款批發價優惠:「半籮批發價」和「一籮批發價」,視乎大家買的數量。

以普遍一隻蟹大約4至4.5両左右為例,「半」約34隻只售$1,500;「一籮」約68隻售$3,000,兩者平均一隻為$44!小編建議大家買34隻,搵埋啲親戚朋友,每人幾隻啱啱好,仲平過市面起碼一半添!詳情 按此 查詢。

大閘蟹專門店:宵夜套餐直送府上免運費

香港向來工時都很長,收咗工出到嚟都差不多8點啦,唔少舖賣大閘蟹都已經落晒閘,想買蟹食應該點算好?而家唔少大閘蟹的賣家都轉變了他們的銷售模式,只要上網就可以輕易問價、落單,有啲更會搞埋送貨服務,大閘蟹專門店就是其中一間。

只要買滿$300,專員就可以將蟹免運費送到地鐵站,買滿$900更會送到你門口。最近它們就推出宵夜套餐,服務港島人,買6隻4両,總共$480就可以送到屋企樓下!

價格係點?佢Facebook專頁無顯示,小編就查詢過,原來每日價格不同,當日問過公蟹4.5両、乸蟹3.3両約為$92一隻,俾大家參考一下,詳情 按此 查詢。

永富:蔡生推薦實惠老字號

永富-e1446428860494

擔心質素無保證?如果話係美食家蔡瀾推薦的話,亦該信得過啦掛。

小編所講的就是20多年老字號的永富大閘蟹專門店,它主要售賣太湖和陽澄湖,中、大、特大這3個Size,小編撰稿時問過價,中型的太湖蟹(約4.7両)一隻大概賣$63,而大型陽澄湖蟹(約5両)一隻就大概$90。

呢間老字號都有推出原籮批發價,以大型陽澄湖蟹為例,用「半籮裝」形式購買,29隻$1,800,平均一隻為$62,比單買每隻平咗好多!不過來貨有限,想食記得打電話問一問先,詳情 按此 查詢。

 

出街食大閘蟹

如果覺得買番屋企,自己洗自己煮麻煩的話,出去食都係一個唔錯的選擇,有不少食店舉行限時任食大閘蟹,亦有啲標榜豪食,任君選擇。出街食,預咗會貴啲,不過有個好處:可以用 信用卡 簽帳,又可以儲分嘛!

帝玉庭:$398起任點「三式」大閘蟹

Autumn hairy crab feast poster 0915

沙田帝都酒店帝玉庭推出的任食大閘蟹套餐$398起,客人可以任點3款獨特方式烹調的大閘蟹:清香龍井大閘蟹、麴酒浸大閘蟹和清蒸大閘蟹,套餐仲包埋即泡薑茶和蟹粉燕液羹,等你暖下胃之餘,又唔會食蟹食到口淡淡。

如果嫌悶,大家仲可以單叫蟹粉小籠包和蟹粉玉貴妃等的特色菜式,但留意套餐是不包的!

溫馨提示大家,如果想以呢個超值價錢食靚蟹,就要快啲打電話訂位啦,小編打電話詢問過,至少都要致電當天的約4天後才有位,詳情 按此 查詢。

上海新大眾:$208起限時大閘蟹放題

你話$398都有啲貴?咁小編就推薦分別位於土瓜灣和元朗的上海新大眾,它的價錢根據蟹的大小、成人小童和入座時間而定,如果是星期五六日的話就額外加$10,最抵的時段就是星期一至四的晚上10時後,只需$208起就可以任叫,10時前就由$228起,套餐包括任飲薑荼、仙地和各式汽水。

聽落係咪好抵呢?想食的話就記住預早訂位啦,皆因呢間舖的訂位情況日日爆滿,最好早幾日Book定位啦,詳情 按此 查詢。

延伸閱讀:全城秋季 減價 攻略2015

 

大閘蟹之外

其實秋風起,除了係食大閘蟹季節之外,其他各類海蟹都係最肥美之時!如果喜歡食蟹,又唔想食大閘蟹咁Heavy,不妨考慮下呢啲抵食精選!

聚滿坊:$188食盡火鍋花蟹海鮮

聚滿坊-e1446428890431

近來天氣開始變得清涼,又係打邊爐的好時機!每位$188起就有新鮮的紅花蟹、鮑魚、瀨尿蝦等,夫復何求。小編無搞錯,所講的地方就是聚滿坊。雖然食物份量限定咗,不是任食,但十分足料,一定會飽!

要用一個咁超值的價錢吃上述的一餐,係要付出,首先就是要打電話預先訂位,小編睇過網友的留言,電話好難打通,訂位之後要1個月先有得食,但食過之後包冇失望。抵唔抵等,就交由大家考量啦!詳情 按此 查詢。

醬缸小食:韓國醬油蟹實惠食

醬缸-e1446428906893

近幾年,韓風在香港橫行,不單止歌影視,連食方面的文化都受到感染。近來蟹季當旺,被稱為韓食醬油蟹自然好受歡迎啦,因此在香港都多了韓食店提供。小編要推介的實惠店是位於佐敦的醬缸小食,這裡一碟蟹$280,兩個人食,用嚟餸飯就一流啦!正所謂小食多滋味吖嘛!

但小編溫馨提示,呢間食店無得打電話訂位架,只可以Walk-in,如果想食就要早啲去等位啦。

柏景餐廳:$465自助餐勁食長腳蟹

柏景餐廳-e1446428930646

如果數到蟹,又點可以少得長腳蟹?淨食長腳蟹好似有啲寡,不如食自助餐啦!市面的自助餐,質素似樣、款式多多,而又實惠的不多,其中一間就是皇家太平洋酒店的柏景餐廳,小編推介除了因為這裡有以蟹為主題的自助餐外,當然另有原因。

首先是持有Citibank信用卡的朋友可以享有低至65折!原價$578再加一,折後只要低至$414就可以享用咁豐富的自助餐,完全超值!(如果你仲未申請,不妨申請番一張 Citi Rewards信用卡,除咗喺柏景酒店有優惠之外,仲有唔少全年優惠!)

第二個優惠是適用於亞洲萬里通的會員,只要在柏景用餐後,結帳時出示會員卡就可以以每$2賺取1飛行里數!溫馨提示:兩個優惠只能二選一,不可一起使用!詳情 按此 查詢。

想知道更多信用卡嘅優惠資訊?立即使用我哋嘅 比較工具,搵出最適合你嘅信用卡!

--

延伸閱讀:做個精明里數達人:交水電煤費儲 Air Miles 攻略

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page