【信用卡小知識】 公司卡 同一般信用卡有咩分別?

|Posted by | 信用卡, 全部文章, 品味生活
Tags: , , , , , , , , ,

【信用卡小知識】 公司卡 同一般信用卡有咩分別?

個人信用卡幾乎人人都有一張,但公司卡就唔係人人用過。擁有一張好嘅公司卡不單可以幫公司更易管理員工公幹應酬時嘅支出,慳錢又省時,員工仲可以尊享機場貴賓室服務等禮遇。等MoneyHero為大家講解下公司卡嘅特點同優惠禮遇啦!

 

公司卡同一般信用卡有咩唔同?

公司卡又稱為商務卡,係專為公務使用而設嘅信用卡,一般由公司向銀行提出申請,以便員工出外應酬或者公幹時消費所用。員工簽賬後,賬單會由公司直接繳付,同我哋平時以個人名義申請嘅信用卡好唔同架!

 

點樣申請公司卡?

喺香港,公司卡只適用於香港登記嘅公司機構申請。部份銀行或會要求申請機構營運超過指定年數,或者每年公司總收入達到指定金額。而申請人一般要係公司僱主、合夥人、股東、行政總裁、董事總經理或者執行董事之類嘅職級至可以提出申請。

而家申請商務卡其實亦相當方便,唔少銀行都有得網上申請。不過每間銀行需要嘅文件各有不同,你可能要準備嘅文件包括商業登記證、公司註冊證明書、財務報表同其他資產證明。有時公司性質唔同(例如全東公司、為合夥公司或有限公司),要求都會有唔同。

 

公司卡時有咩特點同優惠禮遇?

公司卡可以將公司員工各類財務支出集中於一張卡支出,有效省卻繁複嘅員工報賬、核對及還款手續,節省行政成本,提升公司營運效率。此外,公司卡都一樣有唔少優惠禮遇,例如:

  • 獎賞及優惠:

公司卡如果提供豐富簽賬獎賞,就可以更有效節省開支,好似用東亞銀行公司卡簽賬可享1%現金回贈。而美國運通除咗提供HK$1=1獎賞積分嘅公司卡會員積分計劃外,佢哋嘅美國運通國泰航空公司卡更係全港唯一提供「亞洲萬里通」里數回贈嘅公司卡計劃,用嚟買國泰航空及港龍航空機票,每HK$10簽賬可賺1里數。成功申請3張或以上新卡,公司更可賺到15,000里數添!

  • 尊貴禮遇:

公司卡一般都會為商務旅客提供各種機場及旅遊禮遇,好似中銀商務白金卡、匯豐商業卡就提供免費全球環亞機場貴賓服務,持美國運通商務金卡亦可享2次免費享用全球環亞機場貴賓服務,而恒生港元白金商務卡就有免費名貴轎車機場接送服務。

  • 商務旅遊意外保障:

員工要經常四圍飛出差,所以旅遊保險相當重要。唔少銀行公司卡都會提供商務旅遊意外保障優惠,好似上海商業銀行嘅商務白金信用卡就有旅遊保險及辦公室保險計劃8折優惠,而美國運通公司卡美國運通國泰航空公司卡美國運通商務金卡就提供免費旅遊意外保障;前兩張卡的商務旅遊意外保障額高達HK$2,000,000,而美國運通商務金卡意外永久傷殘保障額亦高達HK$1,000,000。

  • 賬目管理工具及服務:

為咗方便管理所有消費賬單,通常公司卡都會提供網上賬目管理系統,方便會計部門隨時隨地查閱簽賬紀錄、支付賬項同繳款紀錄。

  • 免息還款期:

公司卡嘅免息還款期一般長達50日至2個月,讓企業有充足時間支付賬單,流動資金運用就更具靈活性

精選公司信用卡

美國運通國泰航空尊尚公司卡

amexCathyEliteCorp

此卡會員簽賬每HK$7=1里,每年憑卡簽賬滿HK$400,000可獲額外3,000里,每次交易金額達HK$20,000或以上,亦可賺取額外1,000里。憑此卡購買國泰航空或港龍航空機票,亦可以獲每HK$10=1里。此外,持卡人更可獲高達HK$1,500,000商務旅遊意外保障及高達HK$195,000意外醫療費用額外保障。

申請門檻:

  • 申請公司必須擁有最少5位員工及營運2年以上
  • 持有有效的香港商業登記證
  • 每年公司總收入最少為HK$8,000,000

迎新獎賞:

  • 首3個月內每次簽賬滿HK$25,000可賺取5,000里數,最多可賺取高達45,000里數
  • 成功申請3張或以上公司卡可獲15,000里數
  • 網上申請額外5,000里數
  • 合共高達65,000里數

獨家獎賞:

  • 限時優惠期內經本網成功申請,即獨家送額外5,000里數

立即申請

美國運通商務金卡

amexGoldBusiness

憑此卡本地簽賬可獲享高達HK$10=1里,海外簽賬可獲享高達HK$6=1里。

申請門檻:

  • 申請人年薪亦需超過HK$200,000
  • 申請人需是公司的僱主、合夥人、股東、行政總裁、董事總經理或執行董事

迎新獎賞:

  • 新客戶首3個月累積合資格簽賬滿HK$30,000,即可獲180,000美國運通積分迎新獎賞
  • 網上申請額外獲得20,000積分。

中銀商務白金卡

憑卡於本港或海外消費簽賬可享每HK$1=1積分,可與其他中銀信用卡合併及累積使用,隨時換取購物禮券或飛行里數。持卡人更可免費無限次享用環亞機場貴賓候機室服務。

申請門檻:

  • 申請公司須為在港、澳註冊之獨資、合夥或有限公司
  • 成立期為6個月或以上
  • 只接受中國銀行(香港)、南洋商業銀行、集友銀行現有公司客戶申請

迎新獎賞:

  • 新客戶成功申請,即可獲高達HK$500免找數簽賬額

東亞銀行公司卡

BEA Corp

憑此卡簽賬可享1%現金回贈及長達56天免息還款期、24小時全球提取現金服務及透過自動轉賬繳款,而且永久豁免年費。

申請門檻:

  • 申請公司必須為於香港註冊之全東、合夥或有限公司
  • 持卡人必須為東主、合夥人或最大持股人

上海商業銀行商務白金信用卡

Shanghai

憑卡投保旅遊保險及辦公室保險計劃,可享8折優惠,更尊享滬港台三地「綠色通道」貴賓服務。持卡人可選擇「自動現金回贈」計劃(簽賬每HK$250=HK$1回贈)或積分獎賞計劃。

申請門檻:

  • 只供上海商業銀行公司客戶申請

 

正準備為公司申請張公司卡?立即利用我哋嘅比較工具比較多間銀行嘅公司卡啦!

想知道最新嘅理財貼士,就要留意 MoneyHero.com.hk Blog!同埋緊貼我哋嘅 Facebook Page