Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

打工仔必讀!你了解你的僱員 醫療保障 嗎?

MoneyHero

MoneyHero

最後更新於 03 August, 2015

post_打工仔必讀你了解你的僱員醫療保障嗎_blog

搵工時,大家一般最關心的就是薪金以及上班時間,醫療福利往往都是公司畀乜都接受。鬼咩, 醫療保障 用得多,容乜易連份工都無埋?少機會用得著,大家自然就無咁關心。但其實不怕一萬只怕萬一,當你真係唔好彩受傷或生病, 醫療保障 就可以幫你一把!今日就等MoneyHero.com.hk助你了解僱員有什麼 醫療保障 需要注意!

你係唔係連續性受僱?

如果你係連續性受僱僱員,就會享有法定的僱員 醫療保障 ,只要你連續受僱於同一僱主4星期以上,每星期最少工作18小時,無論你係「臨時工」、「兼職」、「替工」定係「長工」,你就算係連續性受僱的了!

連續性受僱,點先有疾病津貼?

你需要符合以下所有條件:(1)病假不少於連續4天;(2)有合適醫生紙及(3)有足夠的有薪病假。但如果你懷孕而需要產前檢查、產後治療或流產,就只需要符合條件(2)、(3)就可以了。

什麼是有薪病假呢?

有薪病假嘅日數係法律規定的,即使僱主同你講到明話無,你都可以享用的。總之記住,有多無少,你喺連續性受僱嘅頭12個月,每個月會有2日有薪病假;之後每個月可累積4日,而上限就係120日。

有薪病假分兩類,第1類日數上限係36日,第2類日數上限就係84日。僱員會先放第1類病假。當你放嘅日數超過36日,要申請第2類病假,僱主就可以要求你提供醫生紙簽發者所寫嘅診斷及治療簡略紀錄。

有薪病假有幾錢?

你會拎到4/5嘅人工。人工嘅計法係以你過去12個月嘅每日平均工資計算。如果你受僱不足12個月,就計你做咗個段時期嘅平均工資。記住,法定假日、年假之類嘅日子,都計算在內。

你公司有無提供醫療保障?

公司提供嘅醫療保障,一般就係團體醫療保險,其保障會有門診津貼、專科津貼、入院津貼等。如果你係打算係一間公司長做,你就要了解清楚團體醫療保險包啲乜喇。

一般團體醫療保險嘅保障額都會比較低,如果你係需要做小型手術之類,過咗保障額嘅金額就要你自己畀,所以千祈唔好大安旨意,公司有醫療保險就乜都唔理啊!

公司有醫療保險,自己點解要買多份?

MoneyHero建議大家即使公司有醫療保險,自己都多買一份。點解呢?好似上面咁講,團體保險嘅保障未必全面,多買一份補足公司那份的不足,咁有起事上來就唔驚要使一大筆錢啦。

想避免保障範圍重疊,你其實可以善用保險內的自付額,買一份自付額較高嘅醫療保險,咁樣嘅話,小事就Claim公司,大事先用到自己買個份,仲可以減低自己要畀嘅保險費用。

如果你已經加入了你會長久工作嘅公司,你好應該快啲自購多一份醫療保險,因為當你退休時,公司那份醫療保險就會失效,而到時你年紀咁大,已經好難再買一份醫療保險了。

 

想了解更多醫療保險的選擇?我哋隨時樂意幫你,幫你比較最適合你嘅醫療保險,請即 >> 按此進入

--

延伸閱讀:何謂自付額(墊底費)?

想獲得更多保險知識嗎?快啲Like我哋嘅Facebook fanpage,或者按此