農曆新年 利是 錢:教你孩子的第一堂理財課

|Posted by | 全部文章, 品味生活, 理財小貼士, 銀行與金融
Tags: , , , ,

利是

農曆新年,可能係小朋友一年入面最有金錢觀念嘅日子,突然間多咗差唔多4位數字嘅「身家」,成年人可能唔當一回事,但小朋友拎住啲 利是 錢,往往就開始意識到金錢嘅存在。作為家長,要好好趁呢個機會,開始培養小朋友嘅理財觀念,教曉佢哋乜嘢係投資。

利是 有複利

小朋友難得有錢在手,自然會想買下玩具。要說服佢哋儲起啲錢,其實最好嘅方法係以理服人。咁到底一年儲得個千幾蚊,有乜用?咁你就要教識小朋友乜嘢係「複息效應」喇。

複息效應係指你投資嘅收益,會加進本金入面,繼續滾存,令你嘅收益愈來愈多。假設,好保守咁計算,小朋友每年儲$1,000,年利率係3%,每月複利計算,咁小朋友一年後,就有$30.4嘅利息收入。

小朋友可能會話覺得好少,逗多封 利是 就有啦!咁你就要記得要話俾小朋友聽,而家係你乜都唔使做就可以賺多咗嘛。更重要嘅係,複息會令到儲蓄回報大大提升。$1,000放喺度10年,總回報唔係$304,而係$349.4;而如果你放啲錢係度20年,總回報就係$820.8!等小朋友理解到,原來自己啲錢擺係度唔用就可以有回報,仲係愈來愈多添,自然慢慢就養成理財嘅觀念啦!

(更多貼士:投資者教育中心剛推出了一個「利是錢收支計算機」,可以幫助你教導小朋友如何適當地運用及管理利是錢,詳情可按此查詢。)

兒童儲蓄戶口

當然,要說服成年人延遲消費都有難度,何況係小朋友?咁嘅情況下,家長就要用唔同方法吸引小朋友。例如小朋友都鍾意扮大人,咁不如幫小朋友開個銀行戶口?各大銀行其實都有提供兒童戶口服務,就等我哋幫大家比較下啦。

1)有主題:大新銀行 Thomas & Friends / 多啦A夢 兒童儲蓄戶口

以Thomas & Friends或多啦A夢為主題,存摺簿與存款卡都係有卡通公仔,小朋友可以隨時到分行打簿,或者到指定自動櫃員機用存款卡入錢。仲有網上理財服務,可俾小朋友上網查詢戶口外,仲提供網上遊戲。最低開戶金額為$500,不設低額結存服務費。詳情請按此查詢。

2)分行多:恆生銀行智多Kid理財戶口

此綜合戶口包括多元化投資、存款以及保險服務,每年小朋友生日,都可於分行領取智多Kid周年收藏卡一張。開戶金額為$5,000或等值,而戶口「全面理財總值」嘅每日平均結餘達$5,000以上,就豁免月費,$5,000以下就要收月費$50。詳情請按此查詢。

延伸閱讀:給子女最好的:建立 教育基金 的6大要點

3)自選設計:富邦銀行「magi©兒同樂」儲蓄戶口

除咗特別設計嘅存摺簿,仲有備有個人相片嘅戶口卡,小朋友可自選心愛相片及名字印係戶口卡上。而當父母同時持有富邦信用卡,其日常簽賬積分,可以化成小朋友嘅儲蓄,父母每簽$20,000,小朋友戶口就會獲贈$100。最低開戶金額為$500。詳情請按此查詢。

4)門檻最低:創興銀行ikid儲蓄戶口

11歲以下須由父母開戶,11至17歲客戶就可以自行開戶,只需$100就可開戶,不設最低結餘手續費,亦可參加兒童壽險計劃。詳情請按此查詢。

——

延伸閱讀:財力覺醒!從《 星球大戰 》學到的8個理財智慧

延伸閱讀:人民幣 定期存款利息優惠大比併

想知道最新嘅理財貼士,就要留意MoneyHero.com.hk Blog,同埋緊貼我哋嘅Facebook Page