電子信用卡:Coin 可以令你一卡走天下?

|Posted by | 信用卡優惠, 全部文章, 理財小貼士
Tags:

future-coin

你望下你個銀包,裡面究竟有幾多張信用卡、提款卡同會員卡?多數人既銀包都脹到就黎爆咁,銀包買番黎冇幾奈就爛都不在話下,最慘既係,當你排完長龍,到左收銀櫃既時候,拎黎拎去都唔知張卡去左邊!

有咗Coin之後,呢種情況就唔會再發生喇!

Coin既外觀同一張普通信用卡冇分別,要連接到手機一齊用。用戶可以下載一個Coin既app,然後同張卡影一張相,再用刷卡器將所有卡片既資料通過藍牙都寄傳入去,Coin就可以隨時用得。

個Coin最多可容納8張卡,Coin app就可以無限入卡。要揀用邊張卡,可以透過Coin上面個轉換按扭,或者個用個app去調教,然後再刷一下張卡就可以完成支付。

安全性上,Coin采用咗128位或256位加密,亦對外部磁場免疫,唔會好似其他信用卡咁被強磁體磁化後就要報廢。除此之外,如果用戶無意中將Coin放咗係某個地方唔記得左拎,佢會立即透過app進行提醒。為了加強安全性,Coin將內置一個警報器,了解用戶刷了多少次Coin卡,一但佢認為有欺詐活動發生,會馬上提醒用戶。

咁你仲有咩要考慮呢?第一,如果電話既電磁都用完了,你就可能會處於一個沒電沒卡的狀態!雖然用戶用Coin既時候唔需要同電話一起用,但係D保安裝置都係要有電話至可以用到。第二,Coin現在還是處於整合階段,現在自家網站上開始向群眾募資,每個Coin需要50美元,以後市場售價為100美元。呢個定價對於一張膠卡黎講其實一D都唔平哦。係唔係物有所值呢,就要視乎你原本既銀包係咪真係好重喇!第三,雖然Coin而家好似聲響好大,亦得到各界既好評,但其實佢仲未得到任何一間信用卡公司既支持或合作機會。Coin這個概念最終係咪會實現,仲係一個未知之數。

話雖如此,喺Coin既首波預購活動中,喺短短40分鐘內,Coin就達到設定既5萬美元目標!可見Coin喺產品設計上俾到市場不錯既印象,算係較成功既代表作!如果你個銀包真係很重既話,你就應該認真咁好好考慮一下買唔買喇!

如須查詢更多資料,可查看Coin既官方網站:https://onlycoin.com/