【 澳門美食2019 】10間必食餐廳你要知!

|Posted by | 全部文章, 品味生活
Tags: , , , , ,

【 澳門美食2019 】10間必食餐廳你要知!

澳門細過香港,地方細細,但就有好多好嘢食同埋景點,而澳門嘅建築物有歐陸Vintage感,俾人有種置身歐洲嘅感覺,嚟緊下星期有日公眾假期,不妨過大海來個兩日一夜短遊,行下街,食下澳門美食,MoneyHero.com.hk就為你推介10間餐廳,食盡 澳門美食 !

正宗葡國菜

澳門曾經是葡國殖民地,正宗葡菜俯拾皆是,但識食一定要食以下幾間,有正宗傳統的濃鹹葡菜味,也有切合中國人口味的,三擇其中,總有一間合你心水!

1/ 船屋—澳門地膽都推介!

食葡國菜,不能沒有馬介休這款傳統菜式。而船屋的馬介休深受一眾澳門人推崇,連澳門地膽都推介,更是2018年《米芝蓮指南香港澳門》,獲得推介的餐廳之一,老闆同主廚都喺正宗葡國人,店內的馬介休,由鱈魚經鹽醃製而成,一啖入口,一點魚骨也沒有,夾雜魚的鮮味,啖啖肉,夠香口!

地址:下環河邊新街289號

澳門好去處 馬介休 澳門好去處 船屋葡國餐廳

 

溫馨提示:旅遊保險

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

經MoneyHero.com.hk購買指定旅遊保險可享7折優惠
2/ 安東尼奧—BBC都讚好!

說到要推介葡國菜,必有安東尼奧的份兒,它曾奪得米芝蓮推介餐廳之一,更是亞洲的500大餐廳之一,主廚堅持多年以葡國菜的傳統方法,秘製店內的美食,最受歡迎的是海鮮雜繪,麵包蟹、青口、帶子及蜆等,材料皆從葡萄牙入口,保持當地的風味,既有葡國菜濃鹹鮮香的靈魂。甜品也不輸蝕,「柯打」一塊橙酒可麗餅 (法式薄餅Crêpe),主廚立即在你面前親自製作,感受那熱力的傳送,然後享受那柔薄兼酒香濃郁的可麗餅 。

地址:澳門氹仔舊城區木鐸街7號

澳門好去處 安東尼澳 可麗餅 澳門好去處 安東尼奧

3/ 利安咖啡屋—中國人都啱食!

傳統的葡國菜,味道較濃鹹,唔係人人都啱食,而利安咖啡屋的菜式,既有葡菜的特色,也有稍微調味,切合中國人口味,好似招牌菜燒雞釀飯,將圓潤米粒的炒飯釀進雞腔內,再推進焗爐內原隻烤焗,飯粒盡吸收雞的油分及精華,雞身皮脆,炒飯濕潤,帶清新的雞香。大家記得預早一日電話預訂呀!

地址:氹仔舊城區地堡街79號泉福新邨第二期偉大閣第三座地下Q座

利安咖啡屋燒雞釀飯


水蟹粥

4/ 肥仔文美食—綿滑生滾水蟹粥

水蟹粥都喺澳門的地道美食之一,氹仔舊城區都已經有幾間出名食水蟹粥,但最深入澳門人心,必數肥仔文美食的生滾水蟹粥,雖然地理位置不太就腳,但就有好多專程去吃,那一口綿滑的粥。店內的水蟹粥一窩有兩隻水蟹,粥底綿滑,更用瑤柱碎一同熬煮,而米粒煲至化開,更夾雜了蟹膏,無比鮮甜,嚟到澳門點都要試下啦!

地址:氹仔舊城區孫逸仙博士大馬路460號地下I舖

澳門好去處 水蟹粥澳門好去處 肥仔文美食


葡撻

5/安德魯餅店—葡撻登上米芝蓮推介

澳門怎可以不吃葡撻?食正宗葡撻一定要去安德魯餅店,由安德魯先生同佢前妻唐士慧女士共同創業立,葡撻的特點在於鬆脆外皮與柔滑無比的奶油狀雞蛋餡料,加上焦香的面層,一啖入口,香濃的雞蛋餡料在口裡迴盪,相當過癮,如你過了一段時間才吃,外皮依然不減鬆脆,最重要是油份不算太重,減低油膩感。

地址:路環市區戴紳禮街1號地下(總店)

安德魯餅店


豬扒包&瓦煲奶茶咖啡

6/ 大利來記—歷史悠久豬扒包+瓦煲奶茶咖啡

豬扒包同樣是澳門的特色小食,不吃豬扒包便等於沒有去過澳門,而食豬扒包點都一定要去大利來記。豬扒以葡萄牙的香料配方醃肉,再混合中式的方法把豬扒變得更嫩滑;而平凡無奇的豬仔包,則以柴爐烘焙,令麵包的香氣與口感更突出,香而不膩的炸豬扒與豬仔包極其搭調,再點一杯瓦煲煮的深沉濃香的奶茶或咖啡,簡直是人生一大享受!

地址:氹仔舊城區告利雅施利華街35號地舖

 大利來記大利來記 豬扒包

7/ 世紀咖啡—豬扒包網民大愛

豬扒包算是澳門的特產,怎會只讓大利來記專美?當然要介紹埋深得一眾網民歡心的世紀咖啡,同樣憑豬扒包殺到出一條血路,豬扒咬下去一絲絲肉香,夾雜炒過的香甜洋蔥,想刺激啲就加配咖哩洋蔥,整體特別「Juicy」!

地址:新馬路崗項吉祥里地下

 世紀咖啡


雪糕:

8/ 禮記雪糕—古早感的雪糕三文治

食雪糕,就要識食有古早感的禮記雪糕,老闆堅持採用新鮮的材料,製作出天然健康的味道,每次點雪糕時,員工們總是在從雪糕磚手切下來,非常懷舊。而馳名的雪糕三文治,更有着復古的包裝,儼如一個小小的煙盒,香脆、薄薄的威化餅夾著結實冰涼的雪糕,入口即融,一層脆一層冰,這種口感猶其刺激!

地址: 地址澳門荷蘭園大馬路 12 號至 12 號 A

禮記三文治禮記三文治

 

9/莫義記—網民勁推!

食雪糕豈只得一間,差不多經營了80多年,不但受網民推崇,更登上《2018年米芝蓮指南香港澳門》,猶其貓山王榴槤雪糕、大菜糕及木糠布甸多年來也為人津津樂道。榴槤雪糕果然不同凡響,輕輕一口,已嚐到滿溢的榴槤滋味,每啖都有少少的榴榴槤果肉,粉絲們不要錯過!

地址:氹仔舊城區官也街9號A舖

莫義記莫義記貓山王榴槤雪糕

杏仁餅

10/ 晃記餅家

朋友去完澳門都會買手信番屋企,杏仁餅可以算是其中之一,而官也街的晃記餅家特別出名,小店堅持手作杏仁餅,口感寧舍香脆,更可選擇蛋黃、素色、杏粒及肉心味道的杏仁餅,而老闆也會讓客人即場試味,選擇自己喜愛的味道,非常貼心,「食餅除咗有餅味」外,仲可以有人情味架!

地址:氹仔舊城區官也街14號

晃記餅家晃記餅家 杏仁餅

餐飲信用卡精選

即上我們的比較平台,比較市面上最佳餐飲必備信用卡:

經本網成功申請指定信用卡仲可以獲得額外獎賞現金券,詳情請按此

延伸閱讀:【澳門自助餐】澳門半島 / 氹仔人氣自助餐推介及優惠

延伸閱讀:【澳門船票優惠2018】最平來回$171 特價平船飛優惠分享

相關文章:【HK Express reward-U儲分計劃】換香港快運免費機票攻略

想了解更多不同信用卡的優惠?即刻上我哋嘅比較平台

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page