【 信用卡 調查報告】港人碌卡知識偏低?

|Posted by | 信用卡, 全部文章, 品味生活, 銀行與金融
Tags: , , ,

信用卡

香港人用 信用卡 買嘢已經成為習慣,幾乎每個人都至少擁有2、3張信用卡。相比起其他國家,港人嘅碌卡習慣有乜特色?市面上咁多發卡機構,到底邊間銀行出嘅信用卡最令人滿意?

消費者調查機構J.D. Power最近進行咗一項信用卡滿意度調查研究。調查發現,香港人普遍理財習慣良好,2,878名受訪者中,86%表示會每月按時繳清信用卡帳項,比率較美國(57%)、澳洲(56%)及新加坡(80%)都高。

不過調查亦發現,10個香港人當中,有9個都唔清楚自己信用卡嘅條款及細則。同時,多達2/3信用卡持有者,唔了解信用卡嘅積分獎賞計劃,好多人就因此錯過咗唔少優惠同回贈。(所以大家要緊貼MoneyHero.com.hk,認識更多信用卡嘅理財知識呀!)研究亦顯示,熟悉信用卡優惠嘅人士,平均每月比其他人簽帳多HK$2,168,以獲得想換領嘅回贈。

另一方面,該機構從6個方面對香港信用卡的滿意度進行評分,包括互動、信用卡條款、帳單及付款、回贈、優惠及服務、問題解決能力。結果顯示,香港信用卡平均得分為688分(滿分為1,000分),其中美國運通(American Express)以745分獲評為滿意度最高的信用卡,而第2位及第3位分別為DBS(693分)及匯豐(691分)。

今次調查其他有趣發現:

1)香港有用信用卡消費嘅人士中,平均每人擁有4張信用卡。不過大部分人喺過去一年中只係用過3張。

2)香港信用卡使用者,平均每人每月碌卡大約HK$9,055。當中,主卡消費佔約HK$5,469。

3)香港人最常兌換嘅信用卡回贈包括現金劵/禮物卡(55%)、現金回贈(47%)、商品(22%)及機票(22%)。

(資料來源:J.D. Power

 

想更深入比較更多不同的信用卡,睇下邊張最啱你,同埋善用你嘅信用卡優惠?即上我們的比較平台

——

延伸閱讀:【邊張卡啱我?】不同的人,申請不同的 信用卡

延伸閱讀:八達通 自動增值 儲飛行里數攻略

想知道最新嘅理財貼士,就要留意 MoneyHero.com.hk Blog!同埋緊貼我哋嘅 Facebook Page