【 鉛水 恐慌】生命中不能承受之「重」?了解身體中的重金屬

MoneyHero團隊
最後更新 Aug 06, 2015

鉛水現在香港人人聞鉛色變,深怕自己有份飲 鉛水 ,體內累積過量重金屬,影響健康。但原來對人體而言,金屬亦正亦邪,有輕有重,有些會影響健康,有些卻是維持生命必須的元素。想知道自己需要什麼金屬?MoneyHero.com.hk幫你研究下!

金屬如何分輕重?

最近大家成日聽到重金屬,金屬大家應該知是什麼,但大家可能覺得「逢金屬都係重的吧」,乜有輕金屬嘅咩?原來係化學上,金屬嘅輕重係跟據金屬嘅密度區分,密度大於5g/cm3的就叫做重金屬,如金、銀、鉛、銅、鎳、鉻、汞等。

而輕金屬就有鋰、鈹、鈉、鎂、鋁等。輕金屬毒性一般比重金屬低,唔代表無毒,但往往大量吸收才對身體有影響。

生命中要承受之「重」?

就算係重金屬,都唔係全部都應該避之則吉。因為人類需要某幾種重金屬,先可以維持生命。而其實在日常生活中,我哋都成日吸收不同嘅重金屬。以下幾種重金屬,就係比較對人體有益嘅重金屬。

:可構成人體必要的酶或輔酶,如果每日攝取3至9mg,可以促進骨骼發育,維持腦功能運作等,亦可維持糖及脂肪的新陳代謝。但如果攝取過多,就會做成神經退化性疾病。

:當我地食牛肉、黑椒等食物嘅時候,其實都會攝取到銅。如果缺乏銅,人體可能會出現貧血、毛髮異常、腦障礙等徵狀。但如果過剩,就有機會肝硬化、嘔吐、腹瀉等。正常人體會有100至200毫克嘅銅,即係大概1/10個一毫子硬幣咁上下重啦!

:好多人食嘅保健藥物中,都會包含鋅這種重金屬。鋅可以幫助生長發育、維持免疫功能,甚至係美容控油!而缺乏鋅更有機會出現肺炎、念珠球菌感染、傷風感冒等。

你需要吸收的輕金屬

除了上述嘅有益重金屬外,部份輕金屬對人體都有莫大益處,等我哋睇下有什麼有益輕金屬啦

:可能係我哋最熟悉嘅有益輕金屬,屬於䶨土金屬。所有細胞都需要鈣,無論係免疫系統、神經、消化、內分泌、生殖,都會被鈣影響。人體嘅鈣含量約1kg,無論在骨骼、牙齒或者血入面,都有鈣嘅存在。可以話,鈣係人類生存不可缺少嘅重要元素。根據年齡嘅不同,每人每日嘅建議鈣攝取量都不同,成年人每日最好攝取1,000mg以上嘅鈣,老人家就更多,最好就有1,500mg,反而嬰幼兒就不應該攝取太多鈣質。

:同鈣一樣,鎂都係人體不能缺少嘅輕金屬,對骨骼發展尤其重要。鎂可以幫助我哋吸收鈣質,同時預防心臟病、糖尿病、減低膽固醇影響等。缺少鎂會導致脾氣暴躁、肌肉痛、神經過敏等。飲得多酒嘅人,就更應該攝取多啲嘅鎂。

你要小心的重金屬!

對人體有害嘅重金屬包括鉛、鎘、汞等,佢哋都會影響神經系統、腦部、造血系統、腎臟等。不過,飲用水極難做成急性金屬中毒,就算食水金屬含量超值幾倍,都不會在短期內影響身體。

然而麻煩的是,慢性金屬中毒難以尋找其致病主因,即使是水源出現問題,你也難以向有關單位索償。如果不幸有事,你就要自己負擔鉅額的醫療費用。

除了食水,你還要小心什麼?

在日常生活中,我們還有機會從其他途徑攝取過量的重金屬,而其中一大重災區就係蔬菜同魚類!

如果土壤有過量重金屬,或者使用農藥,都會令到蔬菜帶有重金屬。但你別以為用乾淨食水洗淨蔬菜表面,就沒有重金屬危機。原來大部份植物嘅重金屬都係由根部被吸收,清洗只能洗去植物表面嘅重金屬。大家應該多留意消委會嘅食物安全情報,方為上策。

而一些捕食其他生物的魚類如吞拿魚、鯊魚,或者深海魚,都有機會含有過量的汞,影響神經系統。為免從食物中攝取過量嘅重金屬,大家應該保持均衡飲食,避免大量進食某一類食物,並挑選可信嘅食物供應商!

而皮蛋、盛載食物的陶瓷器皿、水晶玻璃器皿、魚翅、鯊魚骨、芥蘭、香煙、蠔豉、蠔油等,其實都係重金屬嘅重災區。

怎樣排出重金屬?

現在的西醫一般會使用螯合治療排出人體內的重金屬,即以靜脈滴注方式注射螯合劑於體內。螯合劑會用比一般抽血用還幼的針注射,環抱著那些有害嘅重金屬毒素:如鉛、水銀、鎘、鋁,讓它們以無毒害的狀態,安全排出體外。而想知道自己體內有沒有過量重金屬,就要接受頭髮重金屬元素分析。

延伸閱讀:中鉛毒,點解救?有關 鉛水 的醫療問答

延伸閱讀:【不再鉛疑】家用 濾水器 選購全攻略:由$300至$6,000之選

——

不想面對鉅額的醫療開支嗎?MoneyHero.com.hk助你比較出最適合你的醫療保險!詳情請按此進入 >> http://goo.gl/ofP5AT

 

MoneyHero團隊 6th August 2015 4125