Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

光棍救星! 9種方法享受情人節

MoneyHero

MoneyHero

最後更新於 04 February, 2015

HK_BLOG_SingleValentines

越近2月14,心情就越沉重?見到街裏愛人一對對,光棍一族既你一定好睇唔順眼,甚至想喊出黎!其實情人節又冇話要拍緊拖先可以過,情人節應該係慶祝人間有情(好似係),包括對屋企人、朋友既愛、同埋最重要既:自愛!所以唔理你宜家有冇情人,都有好多方法可以享受情人節,而呢啲野,係單身人士先享受到既特權! 光棍救星! 9種方法享受情人節 :

1. 開party

點解唔邀請朋友仔黎屋企,開個單身派對?又冇出去食情人節大餐咁貴,又可以傾下心事!想慳啲錢,就唔好碌信用卡買野食,每人負責一樣食物,都係一樣樂趕。不過記得搞清楚邊個帶咩,唔係可能淨係得甜品冇主菜!你亦都可以諗下其他好玩既活動,例如交換禮物、卡拉OK、飲下野等等…

 

2. 單身之夜

同一樣單身既朋友仔一齊出去玩返晚勁架啦!就算你唔鍾意clubbing都好,間唔中一晚可以幫你放鬆心情。打扮得靚靚,出去跳下舞,識多啲新朋友,都可以令你心情變好!如果你想過靜靜地既一晚,可以同朋友一齊去睇齣戲。女仔可以留喺屋企一齊煲下韓劇,幻想下好快會遇到你既oppa;男仔就一齊打機吹水,都可以過個開心既情人節。

 

3. 獎勵自己

愛錫自己多啲,獎勵自己去salon或者spa,做個massage,整下甲,甚至改變髮型都得!做野咁辛苦,梗係要對自己好啲啦。唔好成日諗住自己有咩未做,放鬆一下,重可以避開情人節出名人山人海既地方!

 

4. 一個人旅行

如果你對自己唔係好有自信心既話,自己去一個旅行可以為你帶黎意想不到既改變!一個人去從來無去過既地方,唔止可以令你大開眼界,重可以發掘到另一面既自己。唔使去好遠既地方,淨係喺香港,都一定有好多你未去過既地方!你越了解自己,就越知道自己想要一個點既伴侶,或者一段關係入面有咩對你黎講係最重要。所以情人節最適合去發掘一個人旅行既樂趣,了解自己更多!

 

5. 陪屋企人

歌仔都有得唱:「共誰玩共誰做伴侶,進步到某一點熱情就會退,共同進退唯獨是父母這一對」。喺情人節好好表達對父母,甚至係對表兄弟姐妹既感謝同愛!其實好多時,你既時間同埋陪伴,就係對佢地黎講最好既禮物。

 

6. 試新野

報名學yoga,去試一間新餐廳,學游水或者踩單車。諗下有咩你係一直都想做但冇機會或者時間去做既。喺情人節下定決心試下啦!試完新野,你會為自己驕傲,覺得自己宇宙無敵,咩都做到!咁下次見到心儀對像都有多啲勇氣同佢搭傘啦!

 

7. 買禮物比自己

冇人送花或者買朱古力比自己,其實完全唔係一個大問題!買對新鞋或者新衫比自己啦,咪重實用過扎幾日就謝既花。如果你識得點樣愛錫自己,個人正面啲,加埋打扮好睇啲,對其他人黎講,無論內在定外在都會吸引啲!

 

8.       做義工

對好多人黎講,慶祝/諗點慶祝情人節都係一樣好奢侈既事。所以如果你有時間,不如去孤兒童、老人院、殘疾人士中心或者動物收容所做下義工,幫到人,人地開心之餘,自己都開心啲!唔好成日做情侶去死隊,埋怨點解自己冇拍拖,將愛心帶比有需要既人重好啦!

 

9.       反省&計劃

唔使慶祝情人節,反而多左時間去反思一下自己既事業同埋財務狀況。你係咪鍾意宜家份工?有冇開始實行自己想達到既人生目標?唔好成日諗住自己冇啲咩,諗下自己有啲咩,同埋點樣增值自己。想開始投貨?就要開始計劃點樣還清債務,拎到額外既錢黎投資啦。

———

老土啲講句,喺你未搵到情人之前,你就係自己最好既情人。所以情人節同自己過,一樣可以好開心好充實!祝大家情人節快樂!