Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

基本返工服裝攻略

MoneyHero

MoneyHero

最後更新於 17 October, 2014

HK Dress for Success on a Budget

大家覺得著咩衫同自己既行為有冇關係?最近有研究發現原來著咩衫會直接影響到你既行為同心情!返工既時候著咩衫,除左要配合你既身份之外,重可以令自己更有自信同改變人地對你既感覺! 睇下以下4個貼士,教你點樣可以用唔高既價格配搭出得體又令你事業更進一步既返工裝!

我地成日都會聽到人地話你喺邊度返工,做咩職位就要著返適合既衫。坊間都有唔少人會教你面試著咩衫可能比到個好印象人。宜家越來越多Y世代同90後返工都比較casual,但著得SMART啲都係幫自己加分既一個好方法! 但咁唔等於要買好貴既衫,只要識得襯,就唔使大傷荷包!

1. 還原基本步

對於男士黎講,返工必要既其實三套恤衫西褲就夠,一個星期可以輪流著。但係對女士黎講,必要既衫就多左好多。除左A字裙同埋恤衫之外,其他一切從簡就可以。最重要既其實唔係你有幾多衫,而係啲衫易唔易襯。買衫既時候記得唔好買死一類衫,可以買多啲顏色。例如白、黑、深藍、灰色都比較百搭又可以比到人專業既感覺。

2. 善用西裝外套

無論邊個都好,只要一著西裝外套,成個LOOK就可以即刻專業晒!另一個好處係如果你件恤衫無熨都可以遮住呀嘛。但緊記,成敗取決於一定要cutting好啱身!如果件衫唔合身,就會好似細路仔偷左爸爸媽媽件衫著咁架啦。就算件褸貴少少,但好啱身,著左會自信左既話,都未常唔係一個好投資!

3. 配件之道

唔好睇少配件手飾,如果運用得好可以為任何配搭加分!女士們加一條絲巾就可以令成個感覺唔同晒。配件唔使多,只要可以幫你加少少個人風格或者令你既服裝加啲變化就夠啦。

4. 做個聰明消費者

冇人可以一夜之間換晒衣櫃入面啲衫。如果你見到有鍾意既衫,不妨等到減價先買,如果係完季之前,可能重會平多啲!如果男士們一個星期都係著同一對鞋,與其買一對平既著得一陣,不如買一對好啲既鞋!

---

要著得SMART啲其實唔使用好多錢。緊記黃金定律:買易襯既衫、買必需既款式時可以買質料好啲既、買衫時慢慢試多幾款先做決定。最重要唔係你有幾多件衫,有唔同風格既衫都好重要。同埋提提大家,買衫係一個好好既機會去獲得信用卡積分同埋利用唔同優惠,記得要善用!

Tags 服裝 返工