濕疹 ：3大成因與3大食療

今年夏天熱成咁，大家短打上陣都嫌熱，但大家有冇留意到有人仲著長袖衫出街？見過有朋友係咁，原來係因為手摺位 濕疹 發作，著長袖衫費事畀人見到……其實咁樣係治標唔治本，不如就等 MoneyHero.com.hk 講下 濕疹 嘅種類同食療方法，幫大家脫離 濕疹 困擾啦！

濕疹類別1：異位性濕疹（Atopic Eczema）

最常見嘅濕疹就係呢種，唔同年紀嘅人都有機會中招，患者嘅臉頰、手、腳及皮膚摺位會乾燥、痕癢、紅腫，仲有機會出水疱、滲膿、結痂。此病成因目前不明，估計與遺傳有關。治療的方法主要是用藥物如潤膚劑、類固醇藥膏等。

濕疹類別2：接觸性皮膚炎（Allergic Contact Dermatitis）

這是因為皮膚長期接觸過敏原而產生的過敏反應，它可使皮膚出現痕癢及紅疹等徵狀。這些過敏原本是無害的物質，而常見的過敏原有橡膠、香水、鎳 （皮帶扣、牛仔褲鈕、耳環常用的物質）、肥皂、清潔劑、化學品等。最有效的處理方法是避免接觸過敏原，但其實有時好難知道自己對乜嘢過敏。當然，可以做過敏測試去搵出過敏原。搵到後，除咗避免接觸過敏原，仲可以使用類固醇藥膏。

濕疹類別3：脂溢性濕疹（Seborrhoeic Eczema）

小朋友同成年人都有機會出事。小朋友通常係1歲以下，成年人就通常介乎20至40歲，成因不明，患者唔會痕癢，唔會痛，但就會出現頭皮、脫皮同紅腫。成年患者成因應該同瓶形酵母菌有關，需要時可使用抗真菌藥物。

濕疹食療

喺西醫角度，濕疹成因無論係遺傳、敏感定係有菌，都係叫你搽類固醇藥膏居多。但如果你想固本培元，就可以考慮下食療。

中醫認為濕疹有濕重、血熱、風邪、脾虛等不同成因，除咗基本嘅多飲水外，大家都可以煲下唔同嘅湯水進補下。例如以下兩種湯水，製作簡單，都可以袪濕止癢，不過呢啲湯水都偏向調整體質，如果濕疹已經發作，就應該睇醫生尋求更進一步嘅治療喇！

薏米豬骨湯：

400g豬骨、20g薏米、20g淮山、冬瓜半個，加幾片薑同鹽。冬瓜切件，洗乾淨薏米、淮山、冬瓜後浸一浸佢，然後開火煲滾後放晒材料落煲，轉細火，煲大約2小時。

綠豆百合湯：

綠豆與百合等量，約30g，好似一般煲湯咁，煮熟綠豆後就連湯帶渣飲晒佢。

菜泥湯：

紅蘿蔔、白菜、包心菜適量，切成碎塊，煮熟後切成泥狀就食得。

海鮮同牛，真係唔食得？

除咗飲多啲湯水，治療濕疹，飲食上都要戒口啦。好多人以為濕疹一定要戒食牛肉同海鮮，但又係唔係真嘅呢？

原來魚、蝦、蟹本身當然係助長濕熱，而牛肉都會喺某些人身上造成病理，但其實唔係每個病人都需要戒晒所有有機會助長濕熱嘅食物。就如西醫話你有過敏原，你都唔會完全唔接觸所有有機會嘅過敏原啦。

到底要戒乜嘢口，其實真係因人而異。中醫師會提供你專業嘅判斷，然後通過不斷嘅測試，得出為你度身訂造嘅療法，所以有濕疹，最好都係搵專業人士幫你啦！

——

任何病患都應及早預防，MoneyHero.com.hk 重視你健康，幫你即時比較醫療保障計劃，為將來買個安心。詳情請 按此。