現場直擊:2015 美食博覽 5大優惠位

|Posted by | 全部文章, 品味生活, 理財小貼士
Tags: , , , , ,

美食博覽

MoneyHero.com.hk上次為大家直擊過書展,今次又點會少得 美食博覽 ?兩位小編一大早就去到美食博覽會場,為大家報告場內實況!今次我地以月餅、麵、鮑魚、鼓油等5大優惠方向,為大家解構各公司嘅場內限定優惠、最後,就等我哋再同各位介紹其他限時優惠啦!即睇!

(一)月餅

每次美食節最曯目嘅食物,月餅都總會有份。皆因9月就係中秋節,8月月餅宣傳已進入白熱化階段,美食展更係商家必爭嘅月餅戰場。而加就等小編幫大家比較下會場各大月餅商嘅優惠啦!

美心月餅 (1C-C02

美心就推出8大會場優惠,冰皮系列、傳統月餅以及特別版系列統統都有優惠!例如勁多人問嘅Tsum Tsum冰皮月餅,喺美食博覽只係賣$188元/2盒,一盒$94,比街外價$143足足平咗$49!但佢數量有限,每日只有200套,每人仲只可以買一盒架咋!同埋如果憑美食博覽場刊優惠券,大家可以用$20買2個迷你藍莓冰皮月餅,原價$45一個,而加$10就有交易!

大班冰皮月餅(1C-D02

大班今年都有4大優惠,大家可以用場刊優惠券分別以$30及$20換指定嘅冰皮月餅。至於購買禮盒裝呢,大班都會額外送你月餅!

榮華月餅 (1B-C02

Wing Wa 榮華今次有5款月餅有優惠,分別為燕窩冰皮、雪彩繽紛、雪中情與雙迎系列,所有月餅大約有7折優惠,所以算幾抵架!

奇華月餅(1E-C10

KeiWah--669x1024

至於奇華,各款至尊月餅一律8折,另外又有「奇華月餅x海洋公園」熊貓月餅禮盒套裝。

鴻星月餅(1D-A12

鴻星亦有兩大月餅優惠,例如買10送1、買4四送1等等,但焦點應該係佢全港首創嘅竹鶴威士忌月餅,月餅內餡以朱古力取代傳統蓮蓉,再包裹竹鶴威士忌。竹鶴月餅首日限量50盒,小編10點到達鴻星攤檔,月餅已賣出十多盒!第二日起,數量就只有10盒,大家要留意喇!

 

(二)麵

壽桃牌(1E-C02)

講到蝦子撈麵,大家一定諗起壽桃牌!在今年美食博覽,它就以$200優惠價出售3盒12個裝的撈麵,而且仲有多一盒細版撈面同一盒罐裝的蠔皇鮑魚送添!

招牌產品以外,美食展首推「非油撈麵皇」系列和「非油炸竹炭麵」,並以優惠價出售!另外,杯裝撈麵系列在每天上午10至11時,仲有限時優惠,只要用$30就可以買到1箱12杯!

日清(1E-B02)

日清出品的出前一丁相信人人都食過,今次美食展日清就以超抵價錢推出一架包14款日清產品的購物車,都係價值$120咋,馬上成為全場最受歡迎車仔。車仔每日限量1,400架,其出車量驚人,一小時已被賣走100架。

MyOri(1B-D18)

MyOri被美國權威拉麵達人評為「最好吃的即食米粉」的MyOri正宗檳城青咖喱米粉,就以$45的價錢出售兩包,另外還有抽獎買4袋米粉(4包裝)就可抽獎1次,買8袋(4包裝)就抽獎2次。

 

(三)鮑魚

安記(1C-A10)

相信大家都有聽過美食博覽「$1搶鮑山」啦!呢個就係由安記推出的優惠,雖然呢個優惠只係在第一日先有,但大家都唔使失望,皆因安記都推出唔少海味優惠,好像價值$888的「經典皇鮑車」、$430的「至尊鮑魚盆菜」和$100有4罐的「鮑汁海螺片」等。

大棧(1B-C10)

黑鮑魚你見過未?今年美食博覽就新推出紐西蘭黑翡翠鮑魚,並舉行憑其單據估中鮑魚重量,就可以得到鮑魚的活動,每日舉行兩輪,名額為5位估中人士。除了這個活動之外,大棧還有推出其他優惠,例如大型生黑鮑魚原價$374,如果買兩隻或以上,平均每隻$254,平了足足$120!

天龍(1B-A22)

天龍以$600出售「至尊鮑魚套裝」,當中包括1罐紅燒鮑汁鮑魚(A.啡色)、3罐清湯鮑魚(5隻裝)、1罐黑松露鮑魚(2隻裝)、2盒養生靚湯(指定口味)和1輛購物車。

 

(四)鼓油

李錦記(1B-D22

NASS代理李錦記嘅南信集國喺現場做緊優惠,大家可以以$30買到3支頭抽。另外當然仲有蠔油啦。

同珍(1C-B02

同珍則有$10大優惠,無論生抽頭抽鼓油蠔家白醋。只要購物滿$200元,即可以加$1換購手推車;如果再加$30,就會可以將戰車Upgrade成有椅手拉車!

 

(五)小編精選優惠

鴻星靚湯加月餅(1D-A12)

鴻星推出$120的福袋,當中包括:3包脆脆銀魚、1包鴛鴦腸、1盒家常系列家傳靚湯袋和1盒迷你金箔全黃白蓮蓉月餅(孖寶裝),等你可以飲湯水補一補,同時又可以為中秋做準備。

超力$1美國珍珠米(1C-A02)

今年超力推出以$1換一包3公斤的熊井美國珍珠米的優惠,換購時間由上午10:00至10:30,限量50份。

Smart Group $50 Parma Ham加哈蜜瓜(1C-A27)

Smart Group

平時食Parma Ham都要花唔少錢,今次Smart Group International Holdings Limited就推出$50一碟Parma Ham送一杯哈蜜瓜!

北海道牛乳車(1C-A18

買一箱(12盒)1L 牛奶或 2箱48盒200ml 牛奶,你就可以擁有呢架型格東瀛風手推車喇!

道地戰車 (1C-D10

呢個道地戰車,250/套,套裝有11支飲品,可以一次過試晒所有道地味道。

以上的產品都數量有限,賣完即止,各位如果想買到平靚正的食品,就要早啲入會場掃貨啦!

——

入場前,記住睇埋:Food Expo 2015 美食博覽 開鑼:6大優惠位即時睇

睇到肚餓?即刻叫外賣啦!又睇睇:MoneyHero.com.hk x foodpanda: 100元中價消暑之選

想知多啲慳錢貼士同理財建議,就要留意MoneyHero blog,同埋緊貼MoneyHero facebook page!