贏在起跑線!產前檢查小知識

|Posted by | 保險知識, 全部文章, 品味生活
Tags: , ,

post_贏在起跑線產前檢查小知識_blog

生得BB,大家都想子女贏在起跑線--但所謂起跑線,其實唔一定係學幾多種樂器,識幾多種語言,反而係希望小朋友可以健健康康,有自由嘅身體追尋自己嘅理想。

要BB健康,產前檢查就係好重要嘅一環,有意成為家長嘅大家,又知唔知道以下嘅產檢小智識呢?

1/ 產檢在政府醫院,還是私家診所---Why not both?

政府醫院嘅產檢唔係話唔好,不過始終無私家診所咁細心同全面。不過政府醫院嘅產檢係免費嫁,所以例如驗血啊,唐氏綜合症篩查檢查之類基本檢查,就可以係政府醫院完成,而胎兒結構性檢查之類的驗查,就多數要自己搵私家診所喇!(不過都有小貼士,當你想做任何驗查時,可以先問下政府醫院包唔包,有時佢地雖然寫明唔包,但如果有資源嘅都會幫你做埋嫁,咁就可以慳返啲錢啦!)

2/ 如果係政府醫院做產檢,又有乜野要注意?

正如唔係每間醫院都有急症室,都唔係每間醫院都有產科嫁,以下係有產科嘅政府醫院,你揀一間最接近你嘅醫院去登記就無錯嫁喇!

香港島:瑪麗醫院、東區尤德夫人那打素醫院、贊育醫院

九龍區:基督教聯合醫院、伊利沙伯醫院、瑪嘉烈醫院、廣華醫院

新界區:屯門醫院、威爾斯親王醫院、將軍澳醫院

3/ 係政府醫院做產前檢查要帶啲乜?

基本上分兩種,首次登記,同覆診要帶嘅野都唔同嫁。首次登記記住唔好帶漏野,否則就要走多轉嫁喇。

登次登記:

  • 有效香港身分證 (如沒有,請帶備有效的旅行證件、配偶身分證明文件及結婚證明文件[副本亦可])
  • 最近六個月內發出的住址證明
  • 驗孕報告書
  • 產前記錄(持有記錄者適用)
  • 已填妥的產前檢查服務首次登記表格-->https://goo.gl/TF5uer
  • 小便樣本

覆診產前檢查:

  • 有效香港身分證 (如沒有,請帶備有效的旅行證件、配偶身分證明文件及結婚證明文件[副本亦可])
  • 健康院產前登記卡(舊症適用)
  • 產前記錄(持有記錄者適用)
  • 小便樣本

4/ 咁係政府或私家生B好呢?今次無得both喇掛

其實你可以選擇係私家醫院或政府醫院生B,依個當然要睇你嘅budget啦,而如果你一早買落有產科保障嘅醫療保險,到你生B時就會提供多啲支援,無論係產前檢查,定BB誕生咁重要嘅日子,你都可以等你嘅小朋友受到更妥善嘅照顧。

講到咁,你會唔會想買一份包埋產科保障嘅醫療保險呢?即時黎MoneyHero,輸入簡單嘅個人資料,我地就會幫你比較格價,係各大保險公司內搵出最適合你嘅醫療保險!https://goo.gl/5ovCVs