文青小清新必去 香港5大草地野餐好去處

|Posted by | 全部文章, 品味生活
Tags: , , , , ,

文青小清新必去 香港5大野餐好去處

秋冬時分,天氣晴朗又唔會夏日熱辣辣,最啱做啲咩?當然係約埋一班朋友吹下水,寒暄取暖一番啦!唱K太普通,去Cafe去到悶,不如試下經濟實惠嘅野餐啦!在青青草地大家一邊談天說地,一邊享受美食,仲可以欣賞怡人的風光,青春又浪漫。心動的讀者一於立即起行,忙裏偷閒,親親大自然!原來在香港這彈丸之地,都有好多地方適合各位野餐,一起來看看有甚麼熱門地點吧!

1 / 迪欣湖活動中心

野餐好去處 - 迪欣湖活動中心

鄰近香港迪士尼樂園的迪欣湖是現時香港最大的人工湖,湖中種滿荷花及紅睡蓮等漂亮的水生植物,湖中央的噴泉更會向天噴水至高達18米,十分悅目。迪欣湖附近更有許多娛樂設施,如逾一千株植物的植物園、兒童遊樂場、緩跑徑,中心更提供小艇及單車租用服務。坐在湖邊悠閒地野餐,野餐完之後撐吓艇仔、踩下單車真係賞心樂事。

中心還設有一間7-11便利,可以在那裡買到波仔飯,亦有微波爐提供,更有魚蛋燒賣和零食出售,可以直接買去草地野餐,一次過滿足大家「食、玩、睇」三個願望。

開放時間:每天早上9時至晚上7時

前往方法:

  1. 乘港鐵迪士尼線到香港迪士尼樂園度假區交通交匯處
  2. 乘巴士到逹青嶼收費廣場,然後轉乘R8遁環線

2 / 佐敦谷公園

野餐好去處:佐敦谷公園

佐敦谷公園係觀塘區最大的公園,佔地約6.3公頃,優點係有一片非常廣闊的大草地,一到假日就會見到好多人一家大細在這裡享受天倫之樂,場面充滿活力又溫馨,想感染歡樂氣氛的朋友又怎可以錯過呢?

同一般公園不同,佐敦谷公園內有具國際水平的遙控模型賽車場,適合舉行模型車大型賽事。公園有多項戶外設施,有迷宮花園、緩跑徑、長者健體園地、兒童遊樂場、社區園圃、自然保育園地等數之不盡。戶内設施方面則有小型遙控模型車場、園藝教育中心、溫室等,大家可以在公園過一個綠色週末!

前往方法:

  1. 乘巴士前往的路線有從彩虹出發27、29M和從觀塘出發的23
  2. 到鄰近地鐵站彩虹,再乘的士,幾乎不用跳錶。
  3. 公園設有42個泊車位的收費停車場,遊人可駕車前往。

3 / 零碳天地

image9

零碳天地位於九龍灣Megabox對面,形狀新穎的建築物對開四周都係草地綠蔭,從高空望落去,可謂鬧市中的一點綠洲,跟對出的大馬路與大型商相映成趣。大家可能會疑問「零碳天地」究竟點樣「零碳」,其實係因為呢度70%的電力將由廢食油或生物柴油產生,其餘30%則由屋頂的太陽能光伏板發電而來,比較傳統建築物減少能源消耗達45%,不得不令人讚嘆設計者的心思。

如果大家都想加入環保的一分子,感受一下呢度的綠色氛圍,萬勿錯過「零碳天地」,一齊喺呢度野餐,家長順便同仔女傾下如何愛護地球,都係一個唔錯的選擇。

開放時間:每天早上7時至晚上8時

前往方法:

  1. 乘港鐵觀塘綫往九龍灣站A出口(轉乘免費穿梭巴士或步行10分鐘)
  2. 乘新界專線小巴111到香港輔助警察總部,再步行7分鐘。

4 / 添馬公園

野餐好去處 - 添馬公園

添馬公園位於金鐘夏慤道,佔地約1.76公頃,鄰近新政府總部及立法會綜合大樓,並自2011年10月10日起開放供市民使用。公園有多片綠油油的大草地,俾人行又得坐又得,當然仲可以野餐啦 !

公園有最大的優點就係連接中西區海濱長廊(中環段),野餐坐到悶悶地,仲可以行去中環碼頭和天星碼頭吹吹海風,感覺真係好清新呀!公園仲設有園景花園、特色水景、觀景台、添馬角、露天劇場及添馬茶座等,間唔中仲有團體在露天劇場舉辦文娛康樂活動和表演,咁多野睇,絕對唔會悶親動靜皆宜的朋友!

開放時間:每天早上9時至晚上7時

前往方法:乘港鐵至港鐵站A出口,步行約10分鐘

5 / 大埔海濱公園

293601

大埔海濱公園係不少人新界人的野餐聚腳地,因為地方夠唒廣闊,佔地約22公頃,係康樂及文化事務署轄下最大的公園。

公園有多項體育設施,好似昆蟲屋和多個主題花園,適合男女老少。遊人如果想欣賞吐露港美麗的景色,只要登上園內的香港回歸紀念塔,就可以將美景盡收眼底。大家仲可以帶埋相機,在公園拍下一張張同家人摯愛的照片,記下珍貴的回憶。公園仲有風箏放飛區,抬頭就會見到風箏四處飛,即時重拾童心!

前往方法:港鐵大埔墟站轉乘巴士K17/17S到富善邨總站,然後步行約10分鐘。

去野餐買咩食物好?

去得野餐,當然唔少得自製小食,最Common嘅食物有菠蘿腸仔、雞翼、三文治等等。但如果冇時間準備,小編推介去呢幾間店舖買嘢食,一樣好有野餐 Feel 架:

1. 日式飯團 / 便當(華御結)

野餐食物:日式飯團 / 便當 (華御結)

兒時睇日本卡通片,主角們去野餐都一定會帶飯團同便當。如果想喺香港買到正宗日式口味嘅飯團,去華御結就啱喇!華御結全港共有23間分店,梗有一間喺你附近,除咗有售賣了不同口味的飯團,仲有賣幾款便當,健康得嚟又美味,拎去野餐就最適合不過!

2. 外帶壽司(元氣)

外帶壽司(元氣)

買外帶壽司大家都識得去爭鮮買,不過如果想食高質啲嘅壽司,不如試下去壽司店叫外賣啦!之所以推介元氣,係因為元氣壽司價錢適中又新鮮,全港都有好多分店。提提大家,壽司容易滋生細菌,最好喺買完一小時內食用。

外賣自取網上訂購:按此

3. 曲奇 / 蝴蝶酥 (曲奇薈)

No automatic alt text available.

想來一個英式風味嘅野餐?蛋糕、曲奇一定唔少得!Cookie Gallerie 曲奇薈售賣新鮮製作啲手作曲奇,味道甜而不膩,加上鬆脆的口感,所以品牌在香港具有一定名氣。其中有特別啲嘅口味如薰衣草、燕麥無花果、白巧克力等等,仲有佢嘅蝴蝶酥出名好食架!

分店地址:尖沙咀K11 / THE ONE、銅鑼灣、中環、九龍城

4. Cupcake (Twelve Cupcake)

野餐食物:Cupcake (Twelve Cupcake)

Cupcake除咗食得之餘,外型夠哂美觀吸引,色彩繽紛,用來野餐影相呃like 真係一流呀!Twelve Cupcake的cupcake 又可愛又好味,仲有多款口味,好似朱古力、咖啡、檸檬、紅桑子、雲呢嗱等等,令人眼花瞭亂,實有一款啱你心水!

分店地址:中環、銅鑼灣、九龍塘、九龍灣

野餐用品清單

去野餐記得備齊以下用品:

  • 野餐墊
  • 紙巾
  • 解悶物品如書本、ukulele、紙牌
  • 相機
  • 防曬帽
  • 蚊怕水
  • 雨傘

希望大家都有一個愉快的野餐日,同朋友家人有段愜意的美好時光!

相關文章︰【聖誕市集+主題樂園】2017香港8大必玩聖誕活動

相關文章︰香港平靚正 親子活動 好去處

相關文章︰香港平靚正 拍拖好去處

MoneyHero.com.hk為香港最大金融產品比較平台,即時幫你比較旅遊保險信用卡私人貸款按揭,幫你節省日常生活及財務支出!立即比較
——


想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page