廉航 早已係一眾窮遊人士嘅恩物，準備要買機票嘅日子，每天看著廉航網站，等待極低價機票也是常態吧？不過，買到一張廉航機票，又是否代表你可以放心去旅行？當出現意外，機票持有人又可怎樣保障自己的權益，確保有一個滿意的旅程？MoneyHero.com.hk就教你醒目坐廉航，咁就不用怕美滿旅程被破壞啦！
1）被動更改航班
搭得廉航，最常出現嘅風險就係航班更改而造成嘅不便。如果在出發前一段時間知道更改航班，都仲有機會另外購買機票，如期出發，但亦有機會當你去到機場準備出發時，航班先宣布取消，到時旅程不但好有機會告吹，你早早預定好嘅當地酒店費用都有機會付諸流水！
要保障自己，首先你要留意廉航嘅條款，到底由航空公司作出嘅臨時航班更改，航空公司會唔會負責任，保證你有航班飛往當地，或提供其他賠償。
舉例：香港快運在航班延誤在之下，會提供3個解決方法讓你選擇：
a）如有機位可以提供時，可安排稍後日期的相同航線以運載你至最終目的地（可獲豁免行政費用，但會徵收有關的票價差額）；
b）如有機位可以提供時，為安排稍後日期的另一目的地或另一航線的航班機位（可獲豁免行政費用，但會徵收有關的票價差額)；或
c）全額退票
而為了避免損失，大家都可以選擇在網上訂酒店時，選擇「免費取消預約」。另外又可以購買旅遊保險，保障自己。當你買咗旅遊保而遇上航班延誤，應第一時間致電通知保險公司，並保留因航班取消下而花費嘅收據、航空公司延遲證明等，事後帶著所有單據和資料向保險公司索償。當然，購買時也要多看看受保條款。
溫馨提示：旅遊保險
2）主動更改航班
唔同嘅廉航都有唔同嘅更改航班章程，喺更改航班上，需要留意航空公司能否更改時間、航點、取消訂票及機票轉讓。絕大部分嘅廉航都不能更改航點、取消訂票及轉讓機票，不過都有例外。例如濟州航空同虎航等，可以轉讓機票，但就需要額外收費。而更改時間上收費就各有不同，價錢由$280到$430不等，新航程嘅票價如較便宜都不會獲退款，如更貴就要補回差價。
不過如果不幸真係要取消行程、更改航班，都有機會獲得部分嘅賠償。首先當你無乘搭航班，你係可以申請退回已繳交嘅離境稅。其次，當你有合理原因要更改行程，例如嚴重受傷而有醫生紙，部分航空公司係會容許你延期；例如香港快運，就會俾你延長機票有效期2個月。
當然，當你購買咗旅遊保險，部分會有取消或縮短行程嘅保障分。一般來說，因飛機或其他公共交通工具如受惡劣天氣、工業行動、騎劫、機件故障取消或延誤，其必須改動行程而導致嘅額外交通費，都會係保障範圍內，咁就避免咗部分廉航航班改動而造成嘅損失喇。不過大家要留意，此保障項目嘅賠償上限是否夠你購買新嘅機票？例如Allied World世聯保險嘅取消及縮短行程最高賠償額就分別為$20,000。大家可以按個人需要，尋找合適嘅旅遊保險。
記得，為咗保障你嘅權益，其實當你購買機票時，就應該即時購買旅遊保險險，咁廉航更改你航班時，你就有更大機會得到賠償。
3）廉航附加費
廉航票價便宜，其中一個原因係將服務分開收費，當中特別要關注嘅收費有：行李收費及座位選擇收費。
喺行李收費上，亞洲航空、宿霧太平洋航空、香港快運航空、濟州航空、捷星亞洲航空、樂桃航空、酷航、春秋航空、泰國亞洲航空及虎航等10間廉航，都免費提供5至10公斤手提行李配額。寄艙方面，目前但就只有濟州航空及春秋航空2間，分別提供15公斤及10公斤免費托運，其餘8間會按托運行李重量徵費，由15公斤收費$88至40公斤收費$450不等。
而要選擇較寬闊或舒適座位，廉航收費由幾十元至超過$200不等。其他例如借用毛毯及枕頭，都有機會需要收費。
另外，喺廉航網站預訂附加服務嘅收費，通常較於電話或機場櫃枱選購便宜一半甚或更多，大家最好就早啲係網上預訂喇！
4）海外支援
廉航喺特殊情況下，對乘客提供嘅協助或賠償，與全服務模式嘅航空公司差別很大。例如有部分廉航，對於因系統故障而售出資料不符嘅機票並不負責。此外，許多廉航除了經常被投訴熱線電話長時間無人接聽外，更未必在本地設有辦事處或提供廣東話支援熱線，而透過電郵查詢則有可能數天後才得到回覆。如果你是透過一站式旅遊網站訂購，你就更難得到支援。
所以廉航玩家最好都係先購買一份較全面嘅旅遊保險，遇上問題直接聯絡保險公司，因為保險公司一般都有較全面嘅全球支援，更方便你規劃應變方案。
——
延伸閱讀：【旅遊保險大比拼】邊間保障 手機 、平板及手提電腦？
延伸閱讀：惡劣天氣班機延誤，旅遊保險點賠法？
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
