2015年，創業年?

上個月，財爺在財政預算案上提過要鼓勵創新科技，向「創新及科技基金」注資50億，阿里巴巴創辦人馬雲也表明考慮投放十億元幫助本港青少年創業。在各方大力推動下，香港近幾年漸漸湧現了更多初創企業(Start Up)公司，有的更加做得非常成功，今年2015年，會唔會係港青嘅創業黃金年?

在各界都表示支持嘅時候，港視主席王維基就撰文質疑，「政治不容破舊 不利創意創業」，表明本港政治因素嚴重窒礙本港創業潮。王維基一向予人感覺是典型港產醒目仔代表，佢嘅港視開台之路，要多淒慘有多淒慘，被人百般阻撓到最終成功(只是網上)開台，王維基應該百般滋味在心頭。佢認為，「今日的香港政治體制，又是否真心崇尚創意創業呢？」又反問，「踏入羊年，我們是否希望年輕人像羊一樣呢？政治上，我們不希望年輕人去破壞舊有制度，這就是最大的矛盾。」見識過政府黑箱作業嘅王維基，難免會對創業有以上評價。

 另外，王維基亦都係十分抗拒北上創業，認為港青年「是否比內地的年輕人更熟悉當地的營商情況？」其實，現時好大部分年青人因為種種因素對內地態度比較負面，但隨住馬雲打本10億，近期全國人大會議又提出「改革潮、創業潮」，支援本港年青人創業，再加上政府大力推動，其實很多政策或因素都是在吸引或幫助本港年青人北上創業。內地工商總局最新數據，內地港資新登記的注冊企業有10,633戶，數字同比增長近10%，注冊資本都增長了近30%。本地薑電召客貨車App GoGoVan合伙創辦人Steven Lam都講過，「近年香港年輕人對中國市場有點抗拒，但中國市場其實很多地方值得學習，大家應該放低包袱」。

除咗比較多人認識嘅GoGoVan，其實香港仲有好多成功嘅StartUp，例如已成立兩年嘅Mini Koala Limited，佢地嘅流動儲存箱「AirBox」，針對香港居住環境擠逼的問題，專門提供隨傳隨到送上門的儲存服務;又例如本地網上教育平台Appeduz，用家只要交300元月費，就可以用文字、錄音、照片或者錄影形式，發問50條問題。以上公司成功嘅原因，都係好識分析市場形勢，從而去判斷自己業務嘅市場價值。要成功，有錢都未夠，有眼光先最係最重要。

所以，不論在香港/內地，其實仍然有好大嘅創業或者發展空間，王維基所提到嘅困難，是另一個層面的。至於只想一心成立stratup，Fintech嘅年青人，其實應該未達至他面對的困局。有意想創業的年青人，現階段應該好好增值自己，因為有資助，有政策推動時，市場便一定會突然出現大量競爭，但只要裝備好自己，就能令自己立於不敗之地。

2015年，是青年創業最好的時代，也是最壞的時代。

---

即上MoneyHero.com.hk，瀏覽更多金融產品（例如醫療保險、信用卡）有關既資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!