話咁快就到農曆新年。對於唔少朋友黎講，新春前後可能都幾悶下，每年都係拜年食飯咁，重重覆覆。今次Moneyhero.com.hk為大家精選咗6個新春好去處，等大家除咗拜年同宅在家之外，可以一家大細都過番個充實嘅新年假期！
1. 迪士尼新春市集
迪士尼樂園你可能年中都去幾次，但迪士尼特別配合狗年新春主題，推出一系列新春慶祝活動，到時財神高飛帶領一眾穿上賀年裝扮的迪士尼卡通人物同大家一齊合照。除此之外，最有特色一定要數樂園首次舉辦的「迪士尼新春市集」，於傍晚時份舉行的市集將有售賣新春小食的戶外小食亭及售賣獨家新春精品及福袋的檔口。於初一到初五期間（2月16日至2月20日），更會派發布魯圖利是封。作為迪士尼粉絲的你/ 你嘅小朋友萬勿錯過！
日期：2018年1月1日至3月4日 （初十七）
時間：18:00 - 樂園關閉
地點：香港迪士尼樂園
門票： $589（香港居民一日票價 / 2月15日前）
2. 天際100睇「農曆新年煙花匯演」
煙花相信大家都睇咗好多年，相信不外乎係喺屋企睇直播，或者晨咁早就出去維港兩岸霸位睇。想舒舒服服睇煙花，仲可以邊睇邊飲野？今年你絕對有得揀！天際100將發售「農曆新年煙花匯演」特別套票，俾大家大年初二當晚，喺呢
個全港最高嘅觀景台觀賞煙火，門票仲包一杯飲品，可以揀汽水、橙汁、紅酒或白酒，真係諗起都覺得堅離地啊！
日期：2018年2月17日 （年初二）
時間：18:30 - 22:00 （最後進場時間為19:45）
地點：天際100觀景台
門票：$288 （預訂日期1月19日至2月14日）
3. 香港許願節
唔少朋友都鐘意新精頭去大埔林村許願樹拋寶牒，祈求願望成真。除咗呢個傳統活動之外，林村近年更舉辦「香港許願節」。除咗拋寶牒同放許願燈之外，場內更有多個美食攤位提供唔同嘅民間小食。另一亮點係，年初一晚參加巡遊的花車更會於林村展出，等大家唔洗迫餐飽都可以同花車Selfie。
日期：2018年2月16日至3月4日 （年初一至初十七）
時間：09:00 - 21:00 （年初一至年初四，初十六至初十七）；09:00 - 19:00 （其
他日子）
地點：大埔林村許願廣場
門票：免費入場
4. LEGO新春遊樂園
雖然香港未有LEGO嘅主題樂園，但今個農曆新年沙田新城市廣場就同LEGO Crossover，舉辦LEGO 新春遊樂園。呢個樂園係LEGO全球首個農曆新年大宅院佈置，多個LEGO Minifigures 著上新春套裝同大家合照，仲有由15萬粒LEGO全人手砌成嘅「巨型鴻運醒獅」展出。只要喺商場內消費達指定金額，更可換領唔同嘅LEGO精品，部分更加係限量版添！
日期：2018年1月20日至3月4日 （初十七）
時間：12:00 - 22:00
地點：沙田新城市廣場一期三樓拱型玻璃天幕廣場
門票：免費入場
5. 農曆新年賽馬日
年初三「赤口」，傳統上不宜拜年。無得拜年有咩好做？大家不妨去參與吓農曆新年賽馬日。即使你唔賭馬，或者對賽馬無咩認識，都可以趁假期入場，感受吓場內氣氛。當日除左11場賽事之外，秋官同汪阿姐呢對黃金組合會喺會現場獻唱賀年歌，麥玲玲師傅會提供狗年開運錦囊，一眾騎師更會列陣同大家拜年。當日入場將會獲得抽獎卡，有機會贏到「馬到功成」24K包金擺件，馬會仲安排咗免費穿梭巴士喺黃大仙港鐵站前往沙田馬場，大家唔洗怕馬場隔涉啦！
日期：2018年2月18日 （年初三）
時間：10:30 - 17:50
地點：沙田馬場
門票：$10 （公眾席）
6.維園年宵
維園年宵係全港最大年宵市場，今年有超過470個攤位，售賣濕貨、乾貨、花卉等。可能有人話行年宵老土，但年年的確係迫滿人，因為售賣的貸物十分多元化，好啱一家大細去行，叫做感受下新年氣氛都好！
日期：2018年2月10日至2月16日 （初一凌晨）
地點：銅鑼灣維多利亞公園
門票：免費入場
相關文章︰送咩畀老爺奶奶好？精選十大長輩至愛新年賀禮
相關文章︰狗年到！13個農曆新年商場 打卡影相好去處 2018
相關文章︰信用卡賀年食品優惠大集合 2018
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
