【吃貨必備】3個餐飲著數優惠App 你下載咗未?

|Posted by | 全部文章, 品味生活, 理財小貼士
Tags: , , , ,

【吃貨必備】3個餐飲著數優惠 App 你下載咗未?

科技愈嚟愈先進,無論網上購物、訂戲飛、網上訂位食飯,一個App就可以解決到!講起食飯,最麻煩嘅事不外乎係打電話預約,有時餐廳太忙無人聽電話,搞到要打好幾次先Book到枱都時有發生。另外而家出街食飯又愈黎愈貴,想食餐好嘢,但荷包又負苛唔起……呢啲問題,而家都有App幫你解決!

而家有好多新出嘅飲食資訊App,可以俾用家快速查詢所有餐廳資訊,亦能夠以簡單嘅步驟訂位,最最最緊要係可以享受到獨家額外折扣優惠!識飲識食嘅你當然唔可以錯過。MoneyHero.com.hk今次同大家介紹 3個飲食折扣App!

OpenRice

openrice

今時今日,香港應該冇人唔識OpenRice吧?OpenRice喺1999年已經進駐香港,提供所有全港餐廳資訊及食評。除咗香港,Open Rice喺馬來西亞、日本、澳門、星加坡等地區都有提供服務。

OpenRice除咗可以用嚟搵餐廳、睇食評同訂位之外,大家有冇留意到佢近來推出嘅「優惠」功能?佢幫你搜羅餐廳優惠劵,并且可以按推出日期或餐廳距離篩選及排序,一Click 即睇到附近有乜餐廳有優惠!

下載連結:
Itunes
Google play

 

BigDish

bigdish

網上訂位平台BigDish喺一個新推出嘅 App,用家可透過訂位享有更多折扣優惠,以更平嘅價錢,得到更好嘅美食體驗。

同OpenRice一樣,BigDish亦提供唔同嘅餐廳資訊,不過最特別之處係佢嘅「訂座優惠」。餐廳會喺唔同時段提供唔同嘅折扣優惠,喺較靜嘅時段優惠一般都會比較多,最高可享達50%折扣!訂位嘅時候亦不需要任何信用卡認証、不收取手續費只需要姓名、郵箱地址及電話號碼就可!只要帶著你部手機憑確認信息,無需優惠劵就可以即享有優惠架喇!除咗訂位,BigDish仲有美食Blog, 介紹香港美食及隱蔽餐廳,健康小貼士及資訊圖表

想知更多關於BigDish美食資訊可參考:
FaceBook
Instagram
Youtube

下載連結:
Itunes
Google Play

 

Quandoo

quandoo

網上訂座平台Quandoo喺2012年面世,至今現已喺12個國家(包括香港在內)都可以用到。Quandoo推介好多好餐廳,帶你尋找各式各樣嘅美食,亦提供餐廳最新資訊。佢嘅訂座平台非常方便易用,襟幾個制就輕鬆搞掂,而且每間餐廳都有提供菜單及價格,咁就唔怕揀錯餐廳!

而呢個平台所提供嘅優惠折扣有少許唔一樣,用家需以積分形式去儲分,然後用積分換取現金劵。第一次申請即可享有400積分,每次預訂餐廳一次就可以獲得100積分,當儲到1000積分便可以當HKD$50現金劵使用!

下載連結:
Itunes
Google play

出街食飯嗰陣,記得用信用卡簽賬賺里數積分,部分信用卡嘅餐飲簽帳仲有額外回贈添!立即上MoneyHero比較平台,揀番張餐飲回贈信用卡!

——

想知道更多信用卡嘅優惠資訊?立即使用我哋嘅比較工具,搵出最適合你嘅信用卡!