2014 聖誕節信用卡餐飲優惠

|Posted by | 信用卡優惠, 全部文章
Tags: , , , , , , , , ,

HK Credit Card Dining Discounts

唔理你係唔係熱愛美食既人都好啦,係聖誕新年呢d 大日子,當然要同親朋好友一齊去食番餐好野,應節同聚舊啦!相信唔少人依家都已經搵緊餐廳食大餐,而大多數人最大既考慮點應該係價錢。事實上,喺網頁上面得到最多笑臉,或者最多特別菜式既餐廳,通常都唔會平得去邊!

不過,好消息係:如果你有信用卡既話,出去食野往往可以享用獨家折扣!所以約親戚朋友食聖誕或者新年大餐之前,記得留意下你張信用卡喺咩餐廳有優惠!宜家等MoneyHero同你一齊睇下香港幾間大銀行既信用卡有啲咩餐飲優惠啦。

渣打銀行信用卡

渣打銀行同MANHATTAN信用卡卡主由宜家起到2015年1月5號,喺美心MX訂購聖誕美食套餐,可以尊享7折優惠!聖誕美食套餐包括原隻美國烤火雞、維珍火腿,重有沙律、日式拼盆同甜品,一定滿足到你!

唔止咁,宜家去到出年2月底,喺陶源酒家同埋富臨集團既餐廳用渣打信用卡消費,重有低至54折優惠!如果屋企人鍾意食中餐既話,團年加埋新年都唔使諗去邊度食啦!

Citibank信用卡

最鍾意食KFC?迷上左韓國既炸雞?Citibank信用卡就啱晒你!由宜家到2015年1月12號,Citibank信用卡卡主喺KFC買精選寵寵韓脆雞精選4人桶餐,可享低至51折優惠。下次想食炸雞,記住用呢個優惠啦!重可以食埋薯蓉、葡撻同雞皇飯,真係諗起都流晒口水!

如果你係搞party要買野食既話,Citibank信用卡喺Oliver’s Super Sandwiches可以盡享低至66折派對外賣優惠!優惠重去到2015年2月28號,搞party又多個選擇。

Citibank信用卡唔止得西式野食有優惠,鍾意食中餐既信用卡卡主都有著數架。2015年6月之前,喺利苑消費滿HK$2,000,就可以有HK$200現金券,即係變相9折!

朱古力既愛好者喺Godiva買正價貨品可以有9折,買滿$1,000或以上,重送你$100禮卷。優惠期去到2014年12月31號咋,所以有買要襯手啦!

匯豐信用卡

指定既匯豐信用卡全年提供香港28間酒店同埋其他餐廳既優惠。除此之外,由宜家到2015年1月31號,最紅飲食優惠重喺12間餐廳提供85折優惠!包括:美心西餅、元氣壽司、Pokka Cafe、The Spaghetti House同東海堂等等…

DBS信用卡

由即日起至2015年2月28號,用DBS信用卡喺Oliver’s Super Sandwiches買派對美食低至67折!

另外,匠.日本料理重提供低至8折既優惠,包括買壽司、刺身或者其他盛合拼盤,千祈唔好走雞!

—-

其實除左大時大節會有特別既餐飲優惠之外,唔少信用卡都為香港各間受歡迎既餐廳提供全年餐飲優惠。但記得去食之前,最好打個電話去問定優惠既詳情,或者有冇限制平日先有優惠,咁就唔怕食完先發現要比原價啦。

想知多啲關於信用卡同埋佢地既至抵優惠,即上MoneyHero信用卡頁面,利用我地既網上比較工具,比較各張信用卡既利息、年費、優惠等等…. 想知道更多理財資訊,就要留意我地MoneyHero既blog啦!