今個星期五就係萬聖節啦！大家諗好去邊度玩未呀？如果大家想搵個地方同朋友慶慶節，又唔駛使太多錢既話，就要參考下我地MoneyHero既攻略啦！我地MoneyHero 今日決定為大家介紹幾個又平又好玩既Halloween Party!

樂富廣場猛鬼別墅

你有無諗過商場都會有鬼屋俾大家玩？唔一定要去主題樂園既，樂富廣場就有一個喇！樂富廣場既鬼屋係免費入場既，不過如果你唔想排隊，都可以係商場度買$300 蚊野，咁就可以免費用特快證進場喇！仲唔快d 約埋朋友一齊去玩？

地點： Zone A, 樂富廣場美食坊

時間：直至10月31日

價格：免費

Fright Dome HK 驚嚇巔峰

來自美國拉斯維加斯既Fright Dome HK 今年萬聖節正式進註香港，為大家帶來不一樣的恐怖體驗！今次Fright Dome 一次過為大家準備左兩間鬼屋，唔單止有德州電鋸殺人狂嚇你一餐，仲有4D影院俾你不一般既恐怖體驗！

地點：山頂廣場

價錢：Groupon團購價＄199

蘭貴坊既Halloween Party 每年都好多人參加，你今年會唔會都係其中一分子呢？快d 同朋友一齊過一個狂歡晚上，盡情裝扮自己同大家一齊hyper 啦！不過如果你想食埋野既就記得book 定位啦！萬聖節當日一定好多人！

地點：蘭貴坊

時間： 10月31日

如果你覺得萬聖節玩完都仲意猶未盡，可以考慮玩埋墨西哥既傳統萬聖節活動。墨西哥萬聖節係11月1號，大家可以係傳統墨西哥餐廳同朋友一齊慶祝呢個佳節。小編今日為大家介紹既係Brickhouse’s Dia De Los Muertos，呢間傳統既羅西哥餐廳會同大家一齊玩盡墨西哥萬聖節！

地點: Brickhouse G/F, 20A D’Aguilar St, 中西區

時間: 11月 1日