Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

伊波拉病毒 係咪咁得人驚?

MoneyHero

MoneyHero

最後更新於 19 November, 2014

Should You Be Scared of Ebola - MoneyHero

伊波拉病毒最初喺幾內亞、利比里亞同埋塞拉利昂爆發,疫症至今已經奪去左數以千計既性命同埋感染左上萬人。經過左SARS同埋H1N1之後,相信唔少香港人都會對伊波拉有所提防。

但到目前為止香港都未有伊波拉既感染個案,所以都唔使咁驚。早前衞生防護中心公布,一名39歲既男性,喺 10月13到20號去過尼日利亞既拉各斯,抵港後身體不適,成為香港第一宗懷疑感染個案。但係經過快速測試後,證實冇感染伊波拉病毒,只係虛驚一場。

不過除左伊波拉之外,其實日常生活入面都有好多平時唔覺佢咁勁既病菌,所以驚伊波拉不如驚佢地!例如狂犬病(雖然香港已經20年冇出現)、透過蚊傳染既疾病(例如登革熱、日本腦炎)、同埋感冒等等⋯唔好以為感冒好普通,喺美國,感冒比伊波拉帶來更大威脅!世界衛生組織估計,每年有些 25至50萬人因為感冒死亡。

加上喺發展國家,伊波拉其實冇咁大影響。好似美國咁,到目前為止只係有四宗感染個案同一宗死亡個案。

香港政府伊波拉應變計劃

從衞生防護中心處理懷疑感染個案既態度,睇得出政府相當認真面對伊波拉呢個威脅。衞生防護中心發言人又話:「在接獲個案呈報後,衞生防護中心立即展開流行病學調查,並安排採集病人的血液樣本進行檢測。」

衞生防護中心參考中東呼吸綜合症既對,訂立左一系列既準備及應變計劃。應變計劃分三個級別,並且由唔同政府部門合作,包括衞生防護中心、食物環境衞生署同漁農自然護理署等等…

伊波拉數據

根據世界衛生組織既統計,截至2014年10月25號,總共有10,141宗確診伊波拉個案,其中4,922人死亡。當中利比里亞災情最嚴重,有4,665宗確診個案,2,705人死亡。另外,幾內亞同埋塞拉利昂影響災情都好嚴重。其他受影響地區包括:尼日利亞(20宗確診,8人死亡),美國(4宗確診,1人死亡),馬里、塞內加爾同西班牙就各有1宗確診個案。

世界衛生組織又話,伊波拉係一種致命既病毒,死亡率可以去到90%咁高。而死亡率咁高,係因為目前未有任何經過認證既藥同埋預防疫苗。

伊波拉主要係透過患者既體液傳染,例如血液或者排泄物等等…即係話,如果患者皮膚損左,你又直接接觸到佢既血液,就會被感染。所以,高危人士大多數係醫護人員、患者既家人、同患者有親密接觸既人、甚至係去送殯既人。

中國易爆發伊波拉

有「伊波拉之父」之稱既Peter Piot教授,係其中一個發現伊波拉病毒既醫生。日前佢黎香港出席研討會既時候,提醒香港人,中國好易受到伊波拉入侵。根據南華早報既報導,Peter Piot講到:「喺非洲工作既中國人越來越多,所以普遍黎講,唔排除會有中國人受感染,只能預測有一日,中國會爆發伊波拉病毒。

而根據紐約時報既報導,帶領香港對抗沙士既Malik Peiris醫生,就話亞洲區有五個前線城市可以阻止伊波拉爆發,香港就係其中一個。因為香港曾經有對抗沙士同埋H5N1既經驗,所以佢相信香港為對抗伊波拉,做好左充足既準備。報導又指,宜家香港備有1,400個床位,準備應付患上高傳染病毒既病人。

保護自己及家人

衞生防護中心忠告市民盡量避免到受影響地區旅遊,同埋旅遊時要小心個人衛生。同時,要避免密切接觸患者,同埋佢地既體液。

不過,依家香港仲未受到伊波拉既威脅,而且政府都有充分信心可以應付疫症既威脅。其實,只有部分人係特別容易受感染,包括醫護人員同埋感染者的家人。所以,係無確診個案既香港,你暫時都唔需要為呢個疫症擔心住。

如果大家想更好咁保障自己,就記得做好衛生措施啦。勤洗手已經可以保障自己一大步。仲有,如無必要,都唔好去疫症地區旅遊啦!如果你去左疫區旅行,番黎又覺得自己唔係好舒服既話,就記得要儘快去睇醫生。

最後,大家記得要留意下自己既醫療保險包唔包伊波拉等既疫症,因為呢d 病症一般黎講治療費都係比較貴,因為你要入住獨立加護病房,仲要試好多唔同既藥同療程,全部都可能會好貴。如果你無香港身分證,住呢d 加護病房可能要成$23,000 一晚!呢個數已經無計其他既醫療開支了,所以總數可謂十分驚人。所以,如果大家想申請番一項對自己有全面保障既醫療保險,就不妨黎我地MoneyHero 既醫療保險格價平台睇下: https://www.moneyhero.com.hk/en/medical-insurance