國泰 馬可孛羅會 新積分計劃:4點比較逐個捉

|Posted by | 全部文章, 品味生活, 理財小貼士
Tags: , ,

馬可孛羅會國泰早前宣佈,出年4月起調整旗下嘅飛行常客計劃 馬可孛羅會 計劃,並以全新嘅積分形式取代現有嘅航段及里數來計算會員資格及優惠。究竟對飛行常客同埋一般旅客嚟講,新制嘅影響有幾大?一於等MoneyHero.com.hk幫你分析下,等你知道點樣可飛多啲,慳多啲!

1. 統一以積分形式,取代現有嘅「會籍」航段及里數計算方式

舊制:按飛行距離同乘坐嘅客艙等級一定嘅百分比計算累積「會籍」 里數同航段。
新制:新嘅會籍積分將按照客艙級別、「子艙位」及飛行距離計算。

2. 將現時嘅頭等客艙、商務客艙、特選經濟客艙和經濟客艙再細分為子艙位

舊制:特選經濟客艙(W, R, E)
新制:特選經濟客艙 1(W, R)同特選經濟客艙2(E)

3. 提高馬可孛羅會各級會籍嘅門檻

現時綠卡會員續會需要累積4個航段,而毋須會籍里數,而新制下則要累積100會籍積分。咁究竟要乘搭幾多次飛機同坐邊類客位至可以獲入門級別綠卡資格呢?

舊制:一趟需乘搭4次單程航班嘅來回旅程,例如乘坐最平嘅經濟客位,由悉尼經香港往返倫敦(悉尼- 香港-倫敦- 香港- 悉尼)一次,已可成為綠卡會員

新制:同樣乘坐最平嘅經濟客位4(S, N, Q)但要往返倫敦2.5次,或者乘坐較貴嘅客位往返倫敦1次,至可以獲綠卡資格。

而家就等MoneyHero.com.hk利用呢個例子再幫你分析下,點至可以獲得各級會員嘅資格啦!

marcopolo_blog_ZH

整體嚟講,無論你現時係乜嘢級別嘅會員,或者想升至任何級別嘅會籍都好,喺新制之下,選乘較高艙位嘅會員能更快累積會籍積分!想知各級會員有咩特別優惠同禮遇?一於等MoneyHero.com.hk話你知!

綠卡會員可以優先辦理登機手續優先登機,使用會員服務專櫃,透過24小時環球服務專線訂位,而且仲可以飛行里數兌換加長空間座位額外寄艙行李限額同埋機場貴賓室嘅使用券添!喺新制下,馬可孛羅會嘅入會費為100美元,要續會就要喺會籍年度內累積至100積分或繳付100美元。

銀卡會員除咗可以享有以上禮遇之外,仲可以使用國泰商務機場貴賓室港龍貴賓室、享有額外寄艙行李限額(10公斤)同埋加長空間座位添!而金卡會員不但可以使用以上機場貴賓室,仲可以帶一位同行貴賓,享有額外寄艙行李限額(15公斤)同加長空間座位,甚至喺出發前72小時預訂經濟客位

最後,鑽石卡會員可以享用國泰頭等及商務 機場貴賓室同港龍貴賓室 ,而且可以出發前24小時預訂商務、特選經濟或經濟客位(J, W, Y)。

(溫馨提示:計劃行程之餘,記得為自己購買一份旅遊保險!即上我們的比較平台選擇及購買。)

4. 坐國泰、港龍比「寰宇一家」賺更多積分

重點係:

1)銀卡、金卡同鑽石卡會員如果乘坐商務客位嘅話,喺新制下可以更易更快獲晉升或延續會籍。

(2)喺新制下,你所乘坐嘅客艙級別愈高,長途飛行同短途飛行(不論乘坐同級別嘅客位定係級別較低嘅客位)所賺取的積分差距就愈大。

例如:

商務客艙(J, C):如果你乘坐短途機(750英里),就可獲得30積分。如果你坐超長途機,就可以獲120積分,係前者嘅4倍。

特選經濟客艙2(E):如果你坐短途機(750 英里),可獲15積分,而坐超長途機(7,500英里)則可獲50積分,係前者嘅3.33倍。

經濟客艙4(S,N,Q):如果你坐短途機(750 英里),可獲5積分,而坐長途機(7,500英里)則可獲10積分,係前者嘅2倍。

由此可見,如果你乘坐商務或頭等客位,就可以獲取更多積分,而且飛行距離愈長,你就愈快賺夠積分! 不過要注意,新制唔會影響亞洲萬里通,會員賺取里數及兌換獎勵(如機票、禮品等)要求不變 。

此外,當綠卡會員累積至200會籍積分,即可免費獲贈機場貴賓室使用券一張。同樣地,當銀卡、金卡和鑽石卡會員分別達至450、800及1,400會籍積分,即可免費獲贈機場貴賓室使用券兩張!

總括而言,如果你係飛行常客,咁你喺新制之下其實更快累積到足夠積分!如果你一向乘坐商務或頭等客位,咁就唔駛諗太多!就算改咗制,你都可以放心去旅行!如果你唔係經常乘搭飛機嘅乘客,平時通常選搭經濟或特選經濟客位,不妨考慮日後改搭長途機去賺取更多會籍積分,以便將會籍升級!

——

延伸讀閱:做個精明里數達人:交水電煤費儲 Air Miles 攻略

想賺取飛行里數,又點可以冇信用卡旁身? 即上 MoneyHero.com.hk,利用我哋嘅 比較平台 搵出最適合你嘅信用卡!

想知道最新嘅理財貼士,就要留意 MoneyHero.com.hk blog,同埋緊貼 我哋嘅 Facebook Page