從 Uber 爭議的4大迷思 看第三者保險 | MoneyHero

從 Uber 爭議的4大迷思 看第三者保險

|Posted by | 保險知識, 全部文章, 品味生活, 財經時事
Tags: , , ,

 從Uber爭議的4大迷思-看第三者保險_blog

Uber 事件令用家人心惶惶,有用開 Uber 嘅用家,仲敢唔敢叫車,想叫嘅時候,車量又有無之前咁充足?早前警方高調拉人,但仲有司機睇錢份上,冒著犯法危險繼續開工,對用家好似無影響,但其實好多用家都對 Uber 有好多疑問,MoneyHero.com.hk 整理咗4大常見 Uber 用家迷思,睇下幫唔幫大家解開疑團啦!

Uber 車當然有買第三者保險,但……

喺香港道路上行駛嘅汽車,都要買第三者保險,否則犯法。 Uber 車輛當然係有買第三者保險啦,但有買唔代表出事時有得賠。因為如果車輛被用作不合法用途,包括非法營運,第三者保險就唔一定提供保障。

但大家記住,唔一定,又唔代表一定冇。消委會總幹事黃鳯嫺都只係話乘客遇意外「未必受第三者保險保障,須清楚衡量風險」。

而另一方面,一般私家車保險嘅保障事項都唔包括載客取酬,但你同 Uber 司機嘅關係到底係客人同司機,定係朋友呢?喺冇現金交易嘅情況下,就十分微妙了……

第三者保險失效,代表乘客出意外冇得賠?

原則上, Uber 車輛都有買第三者責任保險,但假設保險失效,司機就會上身,從而進入複雜嘅索償程序。而司機就算要賠,都有可能申請破產或賠唔足錢。又,唔好以為只要你唔叫 Uber 車就唔關事, Uber 車在街上行走,如果你真係唔好彩畀佢撞傷,有可能面對無第三者責任保險嘅狀況!

所以,最理想嘅做法,都係自己安排好自己嘅意外保險,萬一出了意外,都可以先從意外保險拿取應急用嘅金錢,之後再慢慢與司機進入索償程序,咁樣就有更全面嘅保障喇。

到底 Uber 有無買保險?

Uber 一直表示自己有為所有乘客購買保險,不過由於香港未有案例,難以斷言保險在香港嘅賠償狀況。而如果你仲想做 Uber 司機,你就要知道,喺美國有案例,係裁定 Uber 司機係 Uber 嘅僱員,而唔係服務承包商。喺香港,出咗事,你係僱員定服務承包商,好影響你嘅權益;乘客出咗意外,你有可能要自己傾家蕩產賠償,要小心考慮自己願唔願意承受呢個風險。

點解冇保險公司提供一份適合 Uber 車輛嘅第三者保險?

保險係會隨著時代進步嘅行業,隨著社會有唔同嘅需求,有人希望分散風險,只要市場夠大,操作可行,相關嘅保險就會應運而生。 Uber 係一間市值直逼Facebook嘅公司,喺全世界都有服務,咁大嘅市場,點解冇保險公司為 Uber 司機度身訂造第三者保險?

其中一個原因,就係世界各地保險公司,都要根據當地情況,評估風險,調整服務。 Uber 作為新興服務,其風險難以評估,所以都未咁快有適合嘅保險提供。

第二點,就係難以界定 Uber 車輛嘅狀態。 Uber 車輛好多時只係普通私家車,而私家車同載客車嘅風險差好遠,保費亦有不同。到底 Uber 車輛幾時先係載客車?係有客人嘅時候、前往接客途中、按緊Apps接客時,定閒置時都係載客車?呢啲好有可能係 Uber 同保險公司要討論嘅細節。另一方面,保險公司要點樣配合科技數據,分析風險同行為模式,亦係未來保險公司將要面對嘅挑戰。

分析完 Uber 用家嘅4大迷思,希望大家除了解更多 Uber 外,仲得到了關於保險嘅知識啦!始終,作為一般市民同乘客,最安心都係自己已經安排好自己所需的保險,例如醫療保險、意外保險等。想知多啲有關保險的資訊,請瀏覽我哋嘅有關網頁 >> https://www.moneyhero.com.hk/zh/local-medical-insurance

——

延伸閱讀:Call車Apps大混戰:邊間最快最抵最可靠?

即上MoneyHero.com.hk,瀏覽更多金融產品比較資料!想知多啲慳錢貼士同理財建議,就要留意MoneyHero blog,同埋緊貼MoneyHero facebook page