【 請假攻略 2018 】請4日放10日 附旅遊行程推介!

|Posted by | 信用卡, 信用卡優惠, 全部文章, 品味生活
Tags: , , , , , , ,

【 請假攻略 2018 】請4日放10日 附旅遊行程推介!

打工仔最緊張嘅不外乎係人工同假期, 請假攻略 絕對係辦公室必需品。2017年可算係難捱嘅一年,因為打從6月起至年尾12月,撇除周末後就只得4日公眾假期,紅日少得可憐!不過幾時都話希望在明天吖嘛,2018年大家唔使再捱得咁辛苦喇!政府已經公布2018年嘅 公眾假期 ,如果係返5天工作制又放星期六、日嘅打工仔,幾乎每個月都可以自製長假期,最抵玩可以請4日放10日! MoneyHero.com.hk 幫大家列出晒2018年嘅 請假攻略 ,仲幫你睇埋去邊度旅行好,係時候諗定放邊幾日,預早買定平機票!

2018請假攻略-12月

2017聖誕放到下年元旦 > 請3日放10日

聖誕想去玩嘅話好快啲請定假,今年聖誕節假為12月23日﹙星期六﹚至12月26日﹙星期二﹚,若果請12月27至29日3日假,連同之後周末兩日及2018年元旦假期,一共可放10日長假。

旅遊行程推介︰
白色聖誕好多人都想過,可惜香港冇雪落,唔想荷包太重負擔可以去韓國滑雪!每年11月至3月是韓國雪季,韓國近年亦成為熱門嘅滑雪聖地,單係首爾附近已經有十幾個滑雪場,所以交通非常方便, 適合一家大細去體驗一下。首推位於京畿道抱川市内村面嘅熊城滑雪場,距離首爾唔太遠,可以即日來回,慳返交通時間。

 

2018請假攻略-2月

2018農曆新年 > 請4日放10日

下年農曆新年年初一定於2月16日,由於年初三係星期日,所以2月19日年初四﹙星期一﹚會補假一天,即係話只要請2月20至23日,加埋之後周末兩日,一共放到10日假。

旅遊行程推介︰
唔係一定要搭飛機先係去旅行嘅,去遊船河都得!香港而家有啟德郵輪碼頭就方便得多,大把航班你揀!想豪啲遊歐洲線嘅話,每位1萬蚊左右;但如果想價錢實惠啲就可以考慮遊亞洲線,大概6千蚊位。郵輪包食包住,裡面仲有好多設施任你玩,報完團就冇嘢要煩啦。

 

2018請假攻略-4月

受難節+復活節+清明節 > 請3日放10日

2018年受難節定於3月30日﹙星期五﹚,而復活節則是4月2日﹙星期一﹚,清明節在4月5日﹙星期四﹚,連同頭尾周末兩日,只要請4月3、4和6日,就可由3月30日放到4月8日,前後一日放10日!

旅遊行程推介︰
還記得櫻花正開~每年3月尾至4月頭,大家嘅Facebook都會比櫻花相洗版。櫻花開花期非常短暫,而且年年都唔同,要睇到最盛開嘅一刻真係要講運氣。不過下年呢段期間咁啱受難節、復活節、同清明節連埋晒啲假,可以請3日放10日!成10日咁多,應該點都唔會錯過櫻花期啦。講到最靚嘅賞櫻地方一定係日本,若果唔想齋睇櫻花,可以考慮埋去沖繩潛水添!

勞動節 > 請1日放4日

5月1日﹙星期二﹚為勞動節,連同4月28、29日兩日周末,只要請4月30日﹙星期一﹚就可以連放4日。

旅遊行程推介︰
4日又唔夠去歐美,但去長洲、澳門又唔似去咗旅行喎,咁不如近近哋去泰國芭達雅嘆個陽光與海灘啦!嗰到有最出名嘅格蘭島、金象島同月光島俾你揀,啱曬鍾意玩水上活動嘅朋友!

 

2018請假攻略-5月

佛誕 > 請1日放4日

與上述方法一樣,由於佛誕定於5月22日﹙星期二﹚,連同5月19、20日兩日周末,只要請5月21日﹙星期一﹚就可以連放4日。

旅遊行程推介︰
五月中啱啱撞正新加坡一年一度嘅熱賣會﹙5-7月﹚,國內店鋪多種貨品大減價,甚至低至3折優惠,由名牌時裝、鐘錶、珠寶、精品到電器樣樣都有特別折扣。除此之外, 仲有特別新增嘅夜間購物時間﹙Late Night Shopping﹚俾大家瘋狂掃貨,唔好再話新加坡夜晚冇活動好做喇。

 

2018請假攻略-6月

端午節 > 請2日放5日

端午節定於6月18日﹙星期一﹚,只要請6月15日﹙星期五﹚及19日﹙星期二﹚,連同周末就可以請2日放5日。

旅遊行程推介︰
如果想六月去個短短哋旅行嘅話, 可以諗下參加6月15至17日嘅開齋節。開齋節係馬來西亞最重大嘅宗教節日之一,所以鍾意馬來美食嘅朋友就有口福可以食到全國各地嘅正宗馬來美食。同時,馬來西亞亦有好多島嶼,同泰國一樣係享受陽光與海灘嘅好地方。

回歸 > 請2日放5日

由於2018年回歸日﹙7月1日﹚為星期日,所以7月2日﹙星期一﹚補假一天。連同星期六,只要請6月29日﹙星期五﹚和7月3日﹙星期二﹚,便可自製5日假期。

旅遊行程推介︰
去幾日旅行嘅話,好多人都會選擇去台灣。襯回歸可以請2日放5日,不如考慮去台東睇熱氣球啦!每年台東都會搞個一年一度嘅熱氣球嘉年華,邀請各國熱氣球高手帶同造型氣球前嚟參與。另外,仲會有熱氣球自由飛行表演、熱氣球繫留體驗、熱氣球自由飛空中遊覽同光雕音樂會等活動。

 

2018請假攻略-9月

中秋節 > 請1日放4日

中秋節翌日定於9月25日﹙星期二﹚,只需請9月24日﹙星期一﹚,連同周末就可以連放4日。

國慶 > 請1日放4日

10月1日﹙星期一﹚為國慶日,只要請9月28日﹙星期五﹚或10月2日﹙星期二﹚,就可有4連假,甚至請晒兩日連放5日。

旅遊行程推介︰
9月嘅青島不冷不熱,萬里晴空,係當地最佳旅遊月份。「青島最美的地方是八大關。八大關最美的時候是深秋。」所以9月份去青島必定要去八大關感受一下滿地黃葉的銀杏大道。而八大關的建築集合了俄、英、法、德、美、日、丹麥等20多個國家的建築風格,有「萬國建築博覽會」之稱。

2018請假攻略-10月

重陽節 > 請4日放9日

重陽節定於10月17日﹙星期三﹚,只要請晒星期一、二、四、五﹙10月15、16、18、19日﹚,加埋前後2個周末,即可連放9日長假期。若然覺得太過份﹙?﹚,可以只請其中兩日,連同周末都可以連放5日。

旅遊行程推介︰
尼泊爾每年嘅10月至5月為旱季,較少雨量;10月和11月更係當地最佳旅遊季節,可以去徒步﹙Trekking﹚或登頂,大家可以喺當地僱用嚮導或者背伕一同徙步,Poon Hill和Annapurna Base Camp係最熱門嘅徒步路線。除咗徒步,大家亦可以乘機體驗滑翔傘及小型飛機。而且每年10月係尼泊爾宰牲節,係當地最重要嘅一個節日,屆時可以觀賞到極具特色嘅民族表演活動。

2018請假攻略-12月2018

聖誕節+元旦 > 請4日放11日

2018年的聖誕節及Boxing Day為星期二及三﹙12月25、26日﹚,只要請12月24、27、28及31日,連同前後兩個周末及2019年的元旦紅日,就可以實行請4日放11日!

旅遊行程推介︰
今年滑完雪,下年做乜好?一生人點都要試一次同聖誕老人一齊過聖誕!襯而家仲有一年時間準備,盡早安排好機票酒店,一定平過到時先嚟買。要搵聖誕老人當然要去芬蘭嘅「聖誕老人村」,除咗可以寄聖誕卡、同聖誕老人Selfie,仲可以跨越北極圈線同喺Passport蓋返個「抵達北極」印!而12月至3月仲係芬蘭睇北極光嘅最佳季節,「聖誕老人村」所在嘅羅凡尼米鎮都好適合睇極光架!

放長假唔去旅行好嘥啫,不過去旅行唔順便儲分儲里數仲嘥啊!出發前記得準備張最抵用嘅海外購物信用卡,唔知邊張卡適合你嘅話可以上 MoneyHero.com.hk 免費比較同即時申請各大銀行嘅信用卡。

 

海外購物必備信用卡︰享盡海外簽賬優惠

1)Citi Cash Back Visa信用卡

Citi Cash Back Visa信用卡

憑Citi Cash Back Visa信用卡作任何外幣簽賬,均可享無上限2%現金回贈,相等於抵消1.95%海外交易手續費。迎新期內新客戶頭2個月只需簽滿HK$15,000,最高可獲HK$1,500 現金回贈。另外,2017年10月31日前經MoneyHero.com.hk成功申請Citi Cash Back Visa信用卡,仲額外送$200現金劵!

立即申請

 

2)星展DBS Eminent Card

dbs-eminent-card

DBS Eminent Card作任何外幣簽賬,均可享有無上限2%現金回贈,啱啱夠抵消1.95%海外交易手續費。而本地簽帳則可享無上限1%現金回贈。2017年10月31日前經MoneyHero.com.hk成功申請DBS Eminent Card,仲送你額外$100現金獎賞!

立即申請

 

3)東亞Flyer World信用卡

ba52f5_d61d6f75f2c04fce9b252cd4f235cebb

東亞Flyer World信用卡於海外簽賬有$5=1里優惠,而且喺迎新期內除咗簽滿$9,000即賺6,000里數,仲豁免獎分兌換里數手續費,網上申請額外再送2,000里。

立即申請

 

4)渣打亞洲萬里通萬事達卡

c_1034

渣打亞洲萬里通萬事達卡迎新期內簽滿$7,500就有15,000里數,其後每簽HK2賺1里數(上限HK$170,000),即合共最多100,000里數,優惠期至2018年1月31日。迎新過後,食肆、網上及海外簽賬全年$4=1里數,仲要每個月自動幫你兌換里數同存入你嘅「亞洲萬里通」賬戶內,又唔收手續費,好適合用嚟儲里數!

立即申請

5)匯豐信用卡

匯豐信用卡有最紅自主獎賞計劃,只要將額外「獎賞錢」分配去「賞中華」或「賞世界」海外簽賬類別,就可以輕易賺到6倍獎賞錢,計落已經有2.4%回贈或$2.78=1里優惠。

而家匯豐更推出最紅旅遊優惠,由即日起至2017年12月31日,已登記用戶用匯豐信用卡於海外簽賬,即賺多額外5倍「獎賞錢」,計埋即是11倍積分(匯豐Visa Signature卡更享14倍積分)!即使扣除Visa / MasterCard嘅1.95%手續費,匯豐卡嘅回贈仍然非常著數,所以去旅行記得要準備定張匯豐卡!

想了解更多匯豐信用卡詳情,可即按此

Book機票酒店前,先睇:2017信用卡旅遊優惠集合

買旅遊保險前先比較下:MoneyHero 旅遊保險比較平台

相關閱讀:【日本紅葉攻略】東京10大賞楓必去景點2017

想知道更多信用卡嘅餐飲同購物優惠資訊?立即使用我哋嘅比較工具,搵出最適合你嘅信用卡!
經我哋申請仲可以獲得額外獎賞現金券,詳情請按此

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page