Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

書面證明 助你順暢索償!

MoneyHero

MoneyHero

最後更新於 17 April, 2015

書面證明-助你順暢索償_blog

買得保險,好多時只係以防萬一,最好就唔使用啦。但當真係要申請賠償,好多時就不知從何入手,甚至會覺得,「喂,保險公司收錢就爽快,賠錢就為難我!」

其實保險公司唔一定係為難你,申請保險賠償有一定程序,如果你係適當時候做左適當嘅野,申請嘅過程就會順暢好多,而其中要多加留神嘅就係索取書面證明喇!以下係幾個關於書面證明嘅小提示,大家想早日得到賠償就要留意喇!

1/ 旅行失財物 緊記當地索證明

好多旅遊保險都有財物損失賠償,但旅行好多時有既定行程,時間就係金錢,就算唔見左財物,都會諗住返到香港先算。但!如果你想得到賠償,記住記住記住,再忙都要係當地警署報失,拎返張書面證明。大部份情況下,保險公司都唔接納係香港報失嫁。

你或者會問,咦,份旅遊保話保障包到回港後三小時嫁喎,咁我咪可以返香港先報失囉?原來好多旅遊保嘅回港後保障,只會保你出左嚴重意外,而唔保財物損失嫁!所以係外地報失,穩陣好多!

想申請旅遊保?即click幫你格價!

2/ 書面證明寫明原因

行程延誤、行李延誤、啟程誤點,旅遊保都會有得保,但你記住向航空公司、機場或旅行社等相關人士索取書面證明,上面要清楚寫明延誤嘅理由,例如係惡劣天氣、機件故障等,獲得賠償嘅機會就比較大喇!

3/ 書面證明要留底

為免你重複claim錢,保險公司好多時都會索取書面證明嘅正本,但為左保障你自己嘅利益,記住自己都要留低一份副本,最好甚至係問保險公司拎埋收據,咁就減少好多誤會嘅空間喇。

4/ 對口單位認清楚

要拎書面證明,緊係要搵對口單位啦,最好就係政府機關、醫院等,如果是私人機構,就記住要對方簽名或蓋上公司印章,咁樣有問題時就可以搵到對應嘅機構啦!

醫療保險難選擇?moneyhero幫你比較!