Working Holiday 的迷思- WH對前途有影響嗎?

MoneyHero團隊
最後更新 Oct 16, 2014

working holiday copy

最近呢幾年,Working Holiday成為左一個後生仔既熱門選擇,好多學生同打工仔都會係畢業後花上一年gap year / 係30歲之前辭職去歐美國家做一年working holiday,做一d 係香港唔會做既工作,例如係農場摘士多啤梨,去酒吧做bartender/waiter等等, 賺錢之餘又可以係異地旅行,聽落去的確十分吸引。不過,有好多人對於去唔去WH最大既concern就係到底花上一年時間去外地遊歷工作,會唔會影響自己既前途,或者會唔會好難揾番工做?今日MoneyHero 就同大家剖析一下WH對於仕途既利弊,係探討呢個問題前,我地先先要問下自己,

去Working Holiday 係為左咩目的?

當你問人點解去WH時,好多人都會答你”因為一生人一次嘛,唔去就無機會”,又或者”有d 野而家唔做,以後都無得做”。不過,小編覺得呢兩個都係最最不能接受既答案,因為兩者根本就顯示唔到你想去WH既理由,只係人云亦云,有得去唔好嘥既諗法。

睇到呢度,大家唔好誤會,小編唔係反對大家去WH, 而係希望大家決定出發前,清楚了解自己去既目的。目的呢家野好Personal 既,可以係想休息一年睇下世界,可以係想體驗下異地文化,可以係俾自己一個工作冷靜期,令自己思索下前路去向,都可以係純粹想去異地玩一年等等。目標係咩都唔緊要,最緊要既係你係旅途中一定要謹記自己去既目的,咁樣對將來既自己/家人先至有交代,先至可以令自己真係學到野,番黎先至可以話到俾人知自己去WH 到底做左咩。小編曾經見過唔少朋友話想見下世界點知去左只係顧住打工搵錢,閒時只係窩係租屋度咩旅行都無去過,完全唔記得左自己當初係想去開闊眼界。

僱主介唔介意求職者去過WH?

係WH成風既香港,其實唔少僱主同HR 都唔介意求職者去過WH,有d 甚至會特別中意去過WH既求職者添,覺得佢地獨立、有主見、 有眼界、connections 同有勇氣(夠膽一個人去異地打工)等等特質,而且佢地語言能力都唔會差(如果唔係點係外國生活咁耐。。。)。呢d 都係去過WH 既人既優勝之處。不過,香港地始終都係一個比較保守既地方,話個個僱主都會中意去話WH 既求職者就肯定係呃你啦,講你都唔信啦係咪先。面對呢類型既僱主,

你又應該點應對同說服佢地?

唔中意去過WH既僱主一般都會覺得去WH既人係長唔大既細路,對工作不負責任,又或者覺得佢地係無腳既雀仔,成日都會做做下唔撈去左旅行,好任性等等。遇到呢d 僱主,最好既方法就係先先解釋你去WH既目的,然後再用你旅途中既例子去說服佢地你係旅途上學到上文所講既優勝特質同得著,等佢地對你改觀。但你千祈千祈千祈要記住,係面試時要show 到你既成熟度,唔好擺出一副”你無去過肯定唔會明架啦”既態度,咁樣只會令對方對你印象更加不好。

咁到底去Working Holiday 會唔會影響到你既仕途?

睇到呢度,相信大家都心裡有數,知道個答案係咩喇。只要你明白自己去WH既目的,你既WH之旅就必然會有得著。好好地將呢D得著運用係面試同你既工作上,一定對你既前途有影響 (當然係好既影響啦!)所以,有心去Working Holiday 既朋友仔,放心咁起程啦!

想知更多有關打工度假既資訊,大家可以參考下EF Education First既網頁。

額外小貼士:

去Working Holiday 同普通旅行一樣,記得記得買旅遊保險,保障自己安全。大家可以係我地既比較平台睇下旅遊保險報價,格價買最抵個個!https://www.moneyhero.com.hk/zh/travel-insurance

仲有,Working Holiday 咁大使費,申請定一張有飛行里數優惠既信用卡係個邊用分分鐘方便得黎仲可以儲到回程機票!依家渣打AE WorldMiles 卡做緊1蚊1里大優惠,AE 國泰Elite 卡都做緊海外簽帳$4蚊一里,大家可以參考下。

渣打Worldmiles 詳情: https://goo.gl/WIvaZI

AE CX Elite 詳情: https://goo.gl/MzRXvD

其他信用卡詳情: https://www.moneyhero.com.hk/zh/credit-card

MoneyHero,香港最公正既金融產品比較平台,致力為你提供各種優惠資訊同理財貼士!www.moneyhero.com.hk

MoneyHero團隊 16th October 2014 1093