訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

[老細必讀]過度工作點影響員工健康?

MoneyHero

MoneyHero

最後更新於 26 十一月, 2014

HK How Overworking Affects Health身為打工仔,加班工作係家常便飯。不過,除左累之外,你又知唔知過度工作會對你既健康造成影響?今日MoneyHero 就同大家分析一下過勞工作對打工仔既身、心影響,希望各位老細們睇完可以良心發現,唔好成日叫我地加班啦!

可能你唔發現,但若果你太沉迷工作,引致既負面影響可以好大。你可能會覺得既然公司都有醫療保險俾你,睇醫生唔駛錢病都無咩所謂,不過說話唔係咁講既,有好多加班引致既潛在疾病可能你自己都唔知,仲分分鐘會影響你既工作表現呀!所以,由今日開始,你要開始注意自己既上班過勞症啦!

壓力過大

過度既工作壓力會令你既心理負荷唔黎, 形成一種叫職業倦怠既病症。當你做做下野覺得無咩動力、咩都唔想做、成日都覺得好累,呢d 就係病症啦!(唔怪之得小編成日都覺得累!原來係有原因既!一定唔係因為懶!)所以,如果你遇到上述情況,千萬唔好掉以輕心,要認真面對,及早求醫呀。

生理危機

美國心理學會發現,如果你既職業倦怠症十分嚴重,係會對你身體造成影響既。研究發現,職業倦怠症對身體既影響相等於食煙/ 痴肥既影響咁大,令你更易患上心臟病、中風,減低免疫力等等,嚴重者仲會令男性不育架!所以真係唔好睇少呀!

情緒困擾

職業倦怠症都會影響你既心理健康,令你無辦法去處理日常生活既壓力,有d 人因為壓力失衡,所以要睇心理醫生架!嚴重症狀包括工作滿足感減退、失敗感、無助感、自我質疑、離群等等,仲有可能會有失眠症狀。

如何解決

衛生署係2003-2004年度既調查顯示,女性比男性更易受到壓力問題影響。要解決由職業倦怠症引起的負面影響,有人以一d 唔健康既方法去處理,例如暴飲暴食、濫酒濫藥、離群、發脾氣等等。但呢d 方法係治標不治本既,正確態度應該係俾一個假期自己,再尋求家人朋友既協助。

充分休息

好多人都會習慣放工後繼續工作覆機之類,不過咁樣做可能會影響你既休息,尤其係臨訓覆機呢個習慣。手機發出既光會令你既身體得到工作的暗示,令你更難入睡。所以你應該定好休息時間,養成良好習慣。

你睇,職業倦怠症既影響咁大,所以無論你係老細定打工仔,都要注意唔好太沉迷工作啦!如果你有以上問題又無買醫保既,就快d 睇下有咩plan適合你喇!

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇