MoneyHero.com.hk總選2015年10大 理財 貼士

|Posted by | 全部文章, 品味生活, 理財小貼士
Tags: , , , ,

理財

喺2015年,MoneyHero.com.hk同大家分享過唔少 理財 貼士,教大家儲得多啲、使得精啲,同埋改善自己嘅財務狀況。在迎接2016年之時,等我哋為大家整理出10大 理財 貼士,讓大家重溫一下,隨時記在心中,在新一年變得更加精明、更識理財!

1)訂立理財目標

新一年,係時候訂立一啲實際嘅理財目標。雖然而家樓價跌咗,但買樓仍然都係有難度,咁不如把長遠目標定為儲首期。就算目標定細啲,好似儲錢喺年尾之前買新電話之類,都不失為一件好事。記住定一個簡單嘅目標,向住佢努力邁進!到了目標達成的時候,就會好有滿足感!

相關閱讀:由第一份薪金,決定你的人生!

2)分散投資

正所謂「一支竹會易折彎,幾支竹一扎斷節難」,如果想好好地理財,應該唔好只係靠一樣工具啦。如果只係放喺紅簿仔,未免太過保守,應該分配去其他地方,例如存款戶口、股票、債券,甚至房地產。

相關閱讀:投資新手 必讀7大「發」則

3)做好預算 應花則花

首先統計下自己一個月內固定支出,好像膳食、日常使用、卡數等等,再將你的收入分配到這些地方,剩低的一部分就可以拎嚟投資儲和應急用。
在使用方面,每一次花錢都應該先考慮下,到底是否自己需要,好像當你想換新電話
前,諗一諗,係咪真係有買的需要。如果每次消費前都可以考慮清楚,應該可以減到唔少不必要的支出。

相關閱讀:慳錢4大招,與衝動消費講拜拜!

4)善用理財App

上點同大家提過最好做好預算,但到底點樣可以知道自己每日的支出有幾多呢?普遍大家都用緊智能手機,現在有不少理財記賬App,有啲甚至可以Check住唔同戶口的狀況之餘,你仲可以根據紀錄知道錢的去向,你就可以從而調整啦!

相關閱讀:啲錢唔知去晒邊?嚴選4大 理財 記帳Apps

5)買保險買份安心

你嘅財產包括你嘅物業、車、或者其他資產,都需要好好保護。皆因一唔小心有任何意外損失,就要花上一大筆支出,無論係教育基金、家居、車,以至係屋企人嘅醫療,都需要買保險。除咗保險之外,仲可以利用互惠基金去保障自己的財産。
當然在買保險之前,一定要好好咁比較下,因為不同公司、不同計劃的保障範圍有所不同,記住要搵番適合自己的計劃。

相關閱讀:220萬老人,點搞?:購買醫療保險的4個理由

6)增加收入來源

賺錢的速度永遠都跟不上花錢的速度,單靠每個月的薪水,花都不夠花,何況係留來儲錢投資呢?增加收入來源是個好方法,即是所謂的「第二收入」。
可以做啲乜賺第二收入?就要睇大家的興趣和有乜擅長啦,比如你擅長DIY手作仔的話,不妨試下利用不同的網上平台,好像Facebook、Instagram將自己的產品推廣出售。此外,還有所謂「被動收入」,俗語所謂的「錢搵錢」;有被動收入,才會令你踏上財務自由之路。

相關閱讀:如何獲得財務自由?全靠「 被動收入 」

7)一切由信貸記錄開始

雖然話有得揀的話都唔會借錢,不過有頭髮邊個想做癩痢吖?一生中難免會遇上突然需要一大筆錢的情況,適當的借貸絕對是精明理財之道。
想順利借錢就要從建立健康的信貸記錄開始。起初是申請信用卡,然後每個月都準時還卡數,等銀行知道你係可信的。咁做可以有助你日後順利申請私人貸款、提高信用額等。當需要其他大額借貸服務的時候(如樓宇按揭),銀行會易啲批核。
若果欠卡數的話,最好是個個月清付,否則只還Min-pay,手尾可以很長。

相關閱讀:致富之路:「3不」自律 理財 法

8)為退休做準備

雖則活在當下很重要,但未來亦同樣重要!你應該盡早計劃你嘅退休生活。你可以喺銀行開個定期存款戶口,或者投資互惠基金,去幫助你嘅資產增值,為自己的退休生活做定兩手準備。

9)自我增值

持續自修學習、不固步自封,才能令自己更進步。在理財方面亦同,多上網了解投資方法、理財知識,知道自己的不足,才能令你的理財方法變得更成熟。

相關閱讀:不要再相信這5個「 金錢 神話」!

10)獎勵自己

雖然理財是很重要,而達成理財目標亦會有所滿足,但係有時候都要做自己喜歡的事哄哄自己。若果為咗慳錢,而放棄做自己喜歡的事、斷絕社交活動,不懂得享受人生,待薄自己……咁又怎能繼續向理財之路邁進呢?

相關閱讀:唔想碌爆卡?控制 信用卡 支出的4個方法

——

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page